2026 جىلعى 1 اقپانداعى جاعداي بويىنشا قازاقستاندىقتاردىڭ زەينەتاقى جيناقتارىنىڭ كٶلەمٸ 26,36 ترلن تەڭگەدەن اسىپ, بٸر جىلدا 3,74 ترلن تەڭگەگە نەمەسە 16,5%-عا ٶستٸ, دەپ حابارلايدى Dala news.
جيناق قۇرىلىمى
مٸندەتتٸ زەينەتاقى جارنالارى (مزج) ەسەبٸنەن قالىپتاسقان جيناق كٶلەمٸ 24,81 ترلن تەڭگەنٸ قۇراپ, بٸر جىلدا 14,4%-عا ارتقان.
مٸندەتتٸ كەسٸپتٸك زەينەتاقى جارنالارى (مكزج) بويىنشا سوما 736,07 ملرد تەڭگەگە جەتٸپ, 13,2%-عا ٶستٸ.
ەڭ جوعارى ٶسٸم ەرٸكتٸ زەينەتاقى جارنالارى (ەزج) بويىنشا تٸركەلدٸ – 23,6%. ولاردىڭ كٶلەمٸ 9,89 ملرد تەڭگەنٸ قۇرادى.
2024 جىلدىڭ 1 قاڭتارىنان باستاپ ەنگٸزٸلگەن جۇمىس بەرۋشٸنٸڭ مٸندەتتٸ زەينەتاقى جارنالارى (جمزج) ەسەبٸنەن جيناقتالعان قاراجات 807,75 ملرد تەڭگەگە جەتتٸ.
تٷسكەن جارنالار
2026 جىلدىڭ قاڭتار ايىندا سالىمشىلاردىڭ جەكە جەنە شارتتى زەينەتاقى شوتتارىنا 264,65 ملرد تەڭگە جارنا تٷستٸ. بۇل ٶتكەن جىلدىڭ سەيكەس كەزەڭٸمەن سالىستىرعاندا 13%-عا نەمەسە 30,41 ملرد تەڭگەگە كٶپ.
ونىڭ ٸشٸندە:
•مزج بويىنشا – 211,73 ملرد تەڭگە (ٶسٸم 5,7%);
•مكزج – 14,00 ملرد تەڭگە (ٶسٸم 15%);
•ەزج – 185 ملن تەڭگە;
•جمزج – 38,74 ملرد تەڭگە.
تٶلەمدەر مەن اۋدارىمدار
2026 جىلدىڭ قاڭتارىندا بجزق-دان بارلىق باعىت بويىنشا تٶلەمدەر مەن ساقتاندىرۋ ۇيىمدارىنا اۋدارىمدار كٶلەمٸ 124,27 ملرد تەڭگەنٸ قۇرادى.
1 اقپانداعى جاعداي بويىنشا:
•جاسىنا بايلانىستى تٶلەمدەر – 17,30 ملرد تەڭگە. ورتاشا ايلىق تٶلەم – 38 312 تەڭگە.
•تۇرعىن ٷي جاعدايىن جاقسارتۋ جەنە ەمدەلۋگە ارنالعان بٸرجولعى تٶلەمدەر – 47,88 ملرد تەڭگە.
•مۇراگەرلٸك بويىنشا تٶلەمدەر – 17,80 ملرد تەڭگە.
•تۇراقتى تۇرۋعا شەتەلگە شىعۋعا بايلانىستى تٶلەمدەر – 3,09 ملرد تەڭگە.
•مٷگەدەكتٸگٸ بار ادامدارعا تٶلەمدەر – 352,91 ملن تەڭگە.
•جەرلەۋگە ارنالعان تٶلەمدەر – 866,12 ملن تەڭگە.
•ساقتاندىرۋ ۇيىمدارىنا اۋدارىلعان قاراجات – 36,99 ملرد تەڭگە.
زەينەتاقى شوتتارىنىڭ سانى
2026 جىلعى 1 اقپاندا بجزق-داعى زەينەتاقى شوتتارىنىڭ جالپى سانى 18,28 ملن بٸرلٸككە جەتتٸ. بۇل بٸر جىلدا 1,04 ملن شوتقا نەمەسە 6%-عا كٶپ.
جەكە زەينەتاقى شوتتارىنىڭ سانى – 12,73 ملن:
•11,30 ملن – مزج بويىنشا;
•766,4 مىڭ – مكزج;
•469,08 مىڭ – ەزج.
جۇمىس بەرۋشٸنٸڭ مٸندەتتٸ جارنالارى ەسەپكە الىناتىن شارتتى شوتتار سانى – 5,55 ملن.
ايتا كەتەيٸك, بٸرىڭعاي جيناقتاۋشى زەينەتاقى قورى 2013 جىلعى 22 تامىزدا قۇرىلعان. قوردىڭ قۇرىلتايشىسى ەرٸ اكتسيونەرٸ – قازاقستان رەسپۋبليكاسى ٷكٸمەتٸ. زەينەتاقى اكتيۆتەرٸن سەنٸمگەرلٸك باسقارۋدى ۇلتتىق بانك جٷزەگە اسىرادى.
زەينەتاقى اكتيۆتەرٸ بويىنشا تولىق ستاتيستيكالىق اقپارات enpf.kz سايتىندا جارييالانعان.
