Qazaqstandyqtardyń dollarmen jinaq saqtaý úlesi sońǵy jyldardaǵy eń joǵary deńgeige jetti, dep habarlaidy Dala News.
DATA HUB Telegram-arnasy jariialaǵan málimetke sáikes, Ulttyq bank tapsyrysy boiynsha júrgizilgen saýalnama nátijesinde respondentterdiń 48%-y dollardy jinaqqa arnalǵan negizgi valiýta retinde tańdaǵan. Bul kórsetkish 2016 jyldan bergi eń joǵary deńgei bolyp otyr.
Sarapshylardyń aitýynsha, bir jyldyń ishinde dollardyń tanymaldyǵy 16,2 paiyzdyq tarmaqqa artqan.
Zertteý nátijesine sáikes, aqsha jinaityn qazaqstandyqtardyń úlesi 25,4%. Olardyń:
•69,5%-y qarajatyn banktik depozitte saqtaidy;
•35,6%-y aqshanyń bir bóligin qolma-qol ustaidy;
•21,7%-y jyljymaityn múlikke investitsiia salady;
•11%-y baǵaly qaǵazdarǵa qarjy quiady.
Aita keterligi, saýalnama qatysýshylary birneshe jaýap nusqasyn tańdaǵan.
Soǵan qaramastan, qolma-qol aqshany saqtaý boiynsha teńge áli de basym valiýta bolyp otyr. Saýalnamaǵa qatysqandardyń:
•83,7%-y aqshasyn teńgemen saqtaidy;
•12,5%-y eýromen;
•5,8%-y resei rýblimen.
Sarapshylar dollarǵa qyzyǵýshylyqtyń artýy teńgeniń nyǵaiýy aiasynda bolyp jatqanyn atap ótedi. Aqpanda AQSh valiýtasynyń resmi baǵamy 489,17 teńgege deiin tómendep, 2025 jylǵy naýryzdan bergi eń tómen deńgeige jetken.
Jalpy alǵanda, teńge bes ai qatarynan nyǵaiý úrdisin kórsetip keledi, al aqpanda dollardyń ortasha baǵamy shamamen 497,56 teńgeni qurady.
