Qazaqstandyqtar jasaǵan, aǵylshyn tilin úıretetin Aleem atty qosymsha AppStore-da kósh bastady. Bul startap tanymal qosymsha Duolingo-ny da basyp ozdy, dep habarlaıdy Dalanews.kz.
Joba avtorlarynyń aıtýynsha, startaptyń artynda úlken komanda turǵan joq. Qosymsha Qazaqstan men Qyrǵyzstanda 1-orynǵa, Tájikstanda 2-orynǵa, Túrikmenstanda 6-orynǵa, Ózbekstanda 11-orynǵa, Reseıde 12-orynǵa shyqqan.
"Eki kún buryn AppStore-ǵa saldyq. Investısıasyz. Úlken komandasyz. Jarnamasyz. Jaı ǵana Qazaqstannan shyqqan jas jigitter qolynan keletinine sendi. Duolingo-ny basyp ozdyq", - dedi joba avtorynyń biri Asyljan Altaı.
Aıta keteıik, Aleem - tolyqtaı tegin qosymsha, aǵylshyn tilindegi sabaqtardy ótýge shekteýsiz múmkindik beriledi. Joba avtorlary endi álemdik arenany baǵyndyrýdy kózdep otyr.
