Mysaly, álemniń túrli elderiniń týlary men memlekettik rámizder týraly bilim deńgeıin anyqtaý úshin onlaın-vıktorına uıymdastyryldy. Sonymen qatar balalar men jastar arasynda «Rámizder - meniń maqtanyshym» taqyrybynda sýret baıqaýy ótti.
Vıktorınaǵa 283 qazaqstandyq qatysty. Qatysýshylar onlaın rejımde (siltemege ótip) elimizdiń Memlekettik rámizderi týraly 7 suraqqa jaýap berip, 10 týdyń qaı elderge jatatynyn tabý kerek edi. Oıyn sońynda qatysýshylar upaılar sany men suraqtardyń durys jaýaptaryn kóre aldy. Qatysýshylardyń pikirleri boıynsha vıktorına óte tanymdyq jáne qyzyqty ótti: «Suraqtar úshin rahmet! Jalpy damý úshin, este saqtaý úshin paıdaly boldy», «Rahmet! Óte qyzyqty boldy», «Osyndaı testter kóp bolsyn!».
Testileý nátıjesi boıynsha ortasha bal 82 paıyzdy qurdy, bul kórsetkish jastardyń Memlekettik rámizderi týraly joǵary bilim deńgeıin kórsetti.
Alaıda, qatysýshylardyń kópshiligi eltańbanyń tómengi bóliginde ornalasqan jáne ortasynda Qazaqstan sózi bar kıiz úıdiń elementi bosaǵa dep atalatynyn bilmegen. Bul suraqqa durys jaýap tek 31% berdi. Vıktorınanyń barlyq 17 suraqqa 47 qatysýshylar durys jaýap bere otyryp, eń joǵary bal jınady.
Sýret saıysyna 80 talantty balalar men jasóspirimder qatysty. Qatysýshylar óz sýretterinde ózderiniń Otanǵa degen súıispenshiligine jáne shyǵarmashylyu qıalyna súıene otyryp, «Rámizder - meniń maqtanyshym» taqyrybyn ashyp kórsetý kerek boldy.
Ata-analardyń kópshiligi osy baıqaý karantın kezindegi tanymdyq oıyn-saýyq retinde balalarǵa óte paıdaly bolǵanyn atap ótti: «Alaqaı! Osyndaı saıys úshin rahmet! balalar úlken qyzyǵýshylyqpen sýret salady», «Óte jaqsy taqyryp, balalarǵa arnalǵan osyndaı is-sharalar kóp bolsyn», «Qyzyqty saıys úshin alǵys aıtamyz!», «Balalardyń ishi pysqan edi, konkýrsqa qatysyp ınternetten bastaryn kóterdi, sizge rahmet».
Baıqaý jeńimpazdaryna balalarǵa arnalǵan mektep jıyntyqtary jáne jastarǵa arnalǵan paıdaly gadjetter beriledi .
