مىسالى، الەمنىڭ ءتۇرلى ەلدەرىنىڭ تۋلارى مەن مەملەكەتتىك رامىزدەر تۋرالى ءبىلىم دەڭگەيىن انىقتاۋ ءۇشىن ونلاين-ۆيكتورينا ۇيىمداستىرىلدى. سونىمەن قاتار بالالار مەن جاستار اراسىندا «رامىزدەر - مەنىڭ ماقتانىشىم» تاقىرىبىندا سۋرەت بايقاۋى ءوتتى.
ۆيكتوريناعا 283 قازاقستاندىق قاتىستى. قاتىسۋشىلار ونلاين رەجيمدە (سىلتەمەگە ءوتىپ) ەلىمىزدىڭ مەملەكەتتىك رامىزدەرى تۋرالى 7 سۇراققا جاۋاپ بەرىپ، 10 تۋدىڭ قاي ەلدەرگە جاتاتىنىن تابۋ كەرەك ەدى. ويىن سوڭىندا قاتىسۋشىلار ۇپايلار سانى مەن سۇراقتاردىڭ دۇرىس جاۋاپتارىن كورە الدى. قاتىسۋشىلاردىڭ پىكىرلەرى بويىنشا ۆيكتورينا وتە تانىمدىق جانە قىزىقتى ءوتتى: «سۇراقتار ءۇشىن راحمەت! جالپى دامۋ ءۇشىن، ەستە ساقتاۋ ءۇشىن پايدالى بولدى»، «راحمەت! وتە قىزىقتى بولدى»، «وسىنداي تەستتەر كوپ بولسىن!».
تەستىلەۋ ناتيجەسى بويىنشا ورتاشا بالل 82 پايىزدى قۇردى، بۇل كورسەتكىش جاستاردىڭ مەملەكەتتىك رامىزدەرى تۋرالى جوعارى ءبىلىم دەڭگەيىن كورسەتتى.
الايدا، قاتىسۋشىلاردىڭ كوپشىلىگى ەلتاڭبانىڭ تومەنگى بولىگىندە ورنالاسقان جانە ورتاسىندا قازاقستان ءسوزى بار كيىز ءۇيدىڭ ەلەمەنتى بوساعا دەپ اتالاتىنىن بىلمەگەن. بۇل سۇراققا دۇرىس جاۋاپ تەك 31% بەردى. ۆيكتورينانىڭ بارلىق 17 سۇراققا 47 قاتىسۋشىلار دۇرىس جاۋاپ بەرە وتىرىپ، ەڭ جوعارى بالل جينادى.
سۋرەت سايىسىنا 80 تالانتتى بالالار مەن جاسوسپىرىمدەر قاتىستى. قاتىسۋشىلار ءوز سۋرەتتەرىندە وزدەرىنىڭ وتانعا دەگەن سۇيىسپەنشىلىگىنە جانە شىعارماشىلىۇ قيالىنا سۇيەنە وتىرىپ، «رامىزدەر - مەنىڭ ماقتانىشىم» تاقىرىبىن اشىپ كورسەتۋ كەرەك بولدى.
اتا-انالاردىڭ كوپشىلىگى وسى بايقاۋ كارانتين كەزىندەگى تانىمدىق ويىن-ساۋىق رەتىندە بالالارعا وتە پايدالى بولعانىن اتاپ ءوتتى: «الاقاي! وسىنداي سايىس ءۇشىن راحمەت! بالالار ۇلكەن قىزىعۋشىلىقپەن سۋرەت سالادى»، «وتە جاقسى تاقىرىپ، بالالارعا ارنالعان وسىنداي ءىس-شارالار كوپ بولسىن»، «قىزىقتى سايىس ءۇشىن العىس ايتامىز!»، «بالالاردىڭ ءىشى پىسقان ەدى، كونكۋرسقا قاتىسىپ ينتەرنەتتەن باستارىن كوتەردى، سىزگە راحمەت».
بايقاۋ جەڭىمپازدارىنا بالالارعا ارنالعان مەكتەپ جيىنتىقتارى جانە جاستارعا ارنالعان پايدالى گادجەتتەر بەرىلەدى .
