Qytai biligi qaýipti indettiń oshaǵy sanalatyn Ýhan qalasynda karantin jariialaǵan bolatyn. Qaladan shyǵý da, qalaǵa kirý de ázir múmkin emes.
Elimizdiń Bas sanitary Jandarbek Bekshin qazaqstandyq stýdentterdiń elge aman-saý oralýy mańyzdy deidi.
"Olar jergilikti halyqpen tildeskeni anyq, eger qaýipti indetti juqtyrǵany anyqtalsa olar ol jaqta (Ýhan qalasynda red.) em-dom alýy qajet. Ázir olarǵa Syrtqy ister ministrligi arqyly kómek qolyn sozýǵa, qaýipti virýsten saqtanýǵa qatysty anyq-qanyq aqparat berýge tiispiz.
Alaida dál qazir olardy infektsiianyń oshaǵynan alyp shyǵý múmkin emes", – deidi Bekshin.
Budan buryn Bekshin Almatyǵa Qytaidyń 5 qalasynan, al Nur-Sultanǵa QHR-dyń 3 qalasynan reister kelip qonǵanyn aitqan. Olardyń barlyǵy baqylaýda.
Ázirge 13 jolaýshy tekserýden ótken. Qazaqstanda qaýiptiń indettiń izderi joq.
