Qazaqstandyq sheneýnikterge sheteldegi múlikterin jasyryn ustaý qiyndaidy, dep habarlaidy Dalanews.kz.
Ekonomikalyq yntymaqtastyq jáne damý uiymy (EYDU) sheteldegi jyljymaityn múlik ieleri týraly derekterdi avtomatty túrde almasýǵa arnalǵan IPI MCAA atty jańa júieni iske qospaq. Jobaǵa 26 memleket qosyldy. Bul platformada obektiniń iesi, múliktiń quny, mámile tarihy men jalǵa berýden túsetin tabys siiaqty málimetter jinaqtalatyn bolady.
Salyq salý jónindegi maman Aidar Masatbaevtyń aitýynsha, buǵan deiin avtomatty aqparat almasý tek bank esepshottary men kriptoaktivterge qatysty júrgizilip, jyljymaityn múlik derekteri ashyq bolmaǵan. Sol sebepti shetelde tirkelgen páterler men ózge de nysandardy ofshor arqyly jasyrý salystyrmaly túrde ońai edi. Endi bul tásil kúrdelene túsedi.
