Almatyda robototehnika men drondar jarysy boiynsha qala ákiminiń Kýbogy úshin iri chempionat – Almaty Tech Cup 2025 jarysy ótti,- dep habarlaidy Dalanews.kz
Saiysqa Qazaqstan, Qyrǵyzstan, Túrkiia, Úndistan, Túrikmenstan jáne Ózbekstannan 3000-nan astam adam qatysty. Olar «DIVE» taqyryby aiasynda sýasty álemin zertteý men ekologiialyq máselelerdi sheshýge arnalǵan innovatsiialyq jobalaryn usyndy.
Álem chempionatyna kimder barady?
Almaty Tech Cup 2025 jeńimpazdary 2025 jylǵy 16-19 sáýir aralyǵynda Hiýstonda (AQSh) ótetin álemdik robototehnika chempionatynda Qazaqstannyń atynan qatysý quqyǵyn ielendi.
FIRST Tech Challenge aǵa sanatynda Almatydaǵy NZM HBN mektebiniń PID komandasy Almaty ákiminiń bas Kýbogyn jeńip alyp, Hiýstonǵa joldama aldy. Sondai-aq, AQSh-ta ótetin álem chempionatyna Qaraǵandy oblysynyń «Murager» litsei-internatynan JelToqSun komandasy, Almatynyń «Bilim-innovatsiia» litsei-internatynan SANA komandasy jáne Almatynyń FMN NZM-nan Cristabol komandasy da qatysady.
FIRST LEGO League Challenge orta sanatynda Qaraǵandy oblysynyń «Murager» MMLI-dan RassLexx jáne Astanadaǵy jeke bilim berý ortalyǵynan SKILLSET komandalary jeńimpaz atandy.
FIRST LEGO League Explore kishi sanatynda SATURN Robotics School (Pavlodar oblysy) mektebiniń Atlantis komandasy álem chempionatyna joldama jeńip aldy. Olar Qazaqstannyń alǵashqy tereń sý asty bazasyn jobalap, ony turǵyn modýli, jylyjai, basqarý ortalyǵy jáne ǵylymi-zertteý institýtynan turatyn keshen retinde usyndy.
Muhitty zertteý úshin batiskaftar men drondar, al energiia óndirý úshin gidrotýrbinalar men «Slithy Toves» innovatsiialyq elektr stantsiiasy qoldanylmaq. Brakonerlikpen kúresý úshin akýla-drondar, al muhitty qorǵaý maqsatynda sý astynda litii óndirýdiń innovatsiialyq ádisi jasaldy.
Halyqaralyq jarystarǵa kvotalar
Hiýstonǵa joldamadan bólek, Almaty Tech Cup 2025 qatysýshylary basqa da bedeldi halyqaralyq týrnirlerge shaqyrtý aldy. Almatynyń «Bilim-innovatsiia» litsei-internatynyń SEN komandasy 2025 jylǵy 22-24 mamyr aralyǵynda Meksikanyń Monterrei qalasynda ótetin Mexico Premier Event-te óner kórsetedi.
Almatynyń respýblikalyq fizika-matematika litseiinen Bolt.m3 komandasy 2025 jylǵy 4-5 sáýirde AQSh-tyń Ýest-Springfild qalasynda ótetin New England Premier Event-ke shaqyryldy. Almatynyń jeke mektebiniń MLP Prometheus komandasy 2025 jyldyń 2-5 shildesi aralyǵynda Niderlandynyń Eindhoven qalasynda ótetin European Premier Event-te óner kórsetedi.
Almaty memlekettik politehnikalyq kolledjiniń KIROSHI komandasy Qazaqstan atynan London, Ulybritaniiadaǵy jarystarǵa qatysady. Al Astanadaǵy fizika-matematika baǵytyndaǵy Nazarbaev Ziiatkerlik mektebiniń xCellence komandasy 2025 jylǵy 14 maýsymda Jetisý oblysynyń Jylandy aýylynda ótetin Zhylandy International Championship-ke qatysady.
Júldeler men álem chempionattaryna joldamadan bólek, qatysýshylar Qazaqstannyń jetekshi joǵary oqý oryndarynda bilim granttary men aqshalai syilyqqa ie boldy. Grant bólgen ýniversitetter qatarynda SDU University, Energo University, H. Dosmuhamedov atyndaǵy Atyraý ýniversiteti, AlmaU, KBTU, METU University jáne Turan University bar.
FIRST chempionaty týraly
FIRST (For Inspiration and Recognition of Science and Technology) – STEM baǵytyndaǵy halyqaralyq bilim berý baǵdarlamasy. Qazaqstandyq oqýshylar úsh jyl qatarynan álem chempiony atanyp, FIRST Global Challenge jarystarynda jeńiske jetip keledi.
Ásirese, Qazaqstan robototehnika boiynsha 190 eldiń arasynda úsh dúrkin álem chempiony bolyp, 2024 jyly Afinada rekord ornatqanyn atap ótý qajet.
Almaty Tech Cup 2025 uiymdastyrýshylary: Almaty qalasy bilim basqarmasy, USTEM Foundation QQ, «Ashyq Aspan» ǵylymi-bilim berý qory jáne «Daryn» RǴPO. Joba Qazaqstan Respýblikasy Oqý-aǵartý ministrligi men Almaty qalasy ákimdiginiń qoldaýymen ótti.
