Atyraýda avtosalon sapasyz avtokólik úshin aqshany qaitarýdan bas tartqan. Sonyń saldarynan satyp alýshy sotqa júginip, jeńiske jetti, dep habarlaidy Dalanews.kz.
Bul týraly Tutynýshylardyń quqyqtaryn qorǵaý komiteti málimdedi. Vedomstvo deregine sáikes, 2023 jyldyń mamyr aiynda turǵyn Atyraýda avtokólik satyp alyp, onyń qunyn tolyq tólegen. Saýda-sattyq Trade-in baǵdarlamasy arqyly rásimdelgen.
Alaida avtosalonnan shyqqan sátten bastap kólikte eleýli aqaý anyqtalǵan: qozǵalys kezinde kólik oń jaqqa qarai tarta bergen.
15 mamyrda satyp alýshy anyqtalǵan kemshilikke bailanysty avtosalonǵa jazbasha túrde júgingen. Satýshy birneshe ret diagnostika júrgizgenimen, aqaýdyń naqty sebebin anyqtai almaǵan.
Aqaý joiylmaǵan soń, tutynýshy satyp alý-satý shartyn buzyp, tólengen qarajatty qaitarýdy talap etken. Alaida avtosalon bul talaptardy oryndamai, «Tutynýshylardyń quqyqtaryn qorǵaý týraly» zań talaptaryn buzǵan. Atalǵan zań tehnikalyq kúrdeli taýarda eleýli kemshilik anyqtalǵan jaǵdaida, satýshynyń tutynýshy talabyn qanaǵattandyrýyn mindetteidi.
Komitettiń habarlaýynsha, 2024 jylǵy 30 jeltoqsanda óńirlik departament jospardan tys tekserý júrgizip, tutynýshy quqyǵynyń buzylǵanyn rastaǵan.
«Satýshy tutynýshynyń talaptaryn tiisti deńgeide qarastyrmaǵan jáne anyqtalǵan kemshiliktiń paida bolýyna óziniń kinási joq ekenin dáleldei almaǵan», – delingen komitet taratqan habarlamada.
Tekserý qorytyndysy boiynsha satýshy Ákimshilik quqyq buzýshylyq týraly kodekstiń 190-baby 5-tarmaǵynyń 3-tarmaqshasy boiynsha ákimshilik jaýapkershilikke tartylyp, buryn bul bap boiynsha jaza qoldanylmaǵandyqtan, eskertý berilgen. Sondai-aq anyqtalǵan zańbuzýshylyqtardy joiý týraly nusqama shyǵarylǵan.
Satýshy erikti túrde shartty buzyp, aqshany qaitarmaǵandyqtan, tutynýshy sotqa júgingen. 2025 jyldyń mamyr aiynda sot talap-aryzdy ishinara qanaǵattandyryp, avtosalondy:
- kóliktiń qunyn óteý retinde 21 940 000 teńge qaitarýǵa;
- 100 000 teńge kóleminde moraldyq shyǵyn tóleýge;
- 870 838 teńge mólsherinde turaqsyzdyq aiybyn (aiyppul) tóleýge mindettedi.
Osylaisha, qazaqstandyq tutynýshy avtosalonnan jalpy somasy 22 mln teńgeden astam qarajat óndirip aldy.
