36 jastaǵy Dilnoza Israilova men 44 jastaǵy kúieýi Alisherihodja Israilov «Crown Sydney» kazinosynda jasyryn kamera men arnaiy qulaqqap arqyly 1,18 mln dollardan astam utyp alǵannan keiin alaiaqtyq jasady dep aiyptalýda, dep habarlaidy Dalanews.kz "Kriminalnyi Kazahstan" telegram arnasyna silteme jasap.
Politsiia málimeti boiynsha, erli-zaiypty 2025 jylǵy qazan aiynda Qazaqstannan Sidneige kelgen. Sol kúni olar kazinonyń múshelik kartalaryn rásimdegen. Qazan jáne qarasha ailarynda erli-zaiypty kazinoǵa birneshe ret kelip, jalpy 1,18 mln dollar utqan. Kazino ákimshiligi turaqty utystardan kúdikke qalǵan.
27 qarashada kazino qyzmetkerleri áieldiń Mikki Maýs beinelengen fýtbolkasynan miniatiýrli jasyryn kamerany baiqap, politsiia shaqyrǵan. Dilnoza Israilova men onyń kúieýi kazino zalynda tutqyndalǵan.
Tergeýshilerdiń aitýynsha, erli-zaiyptydan kishkentai magnittik datchikter, batareialar jáne kamerany oiyn ústelderin beineleýge múmkindik beretin arnaiy bekitpesi bar mobildi telefon alynǵan. Sondai-aq politsiia telefonǵa ornatylǵan óz qoldarymen jasalǵan aina qosymshasyn da tapqan.
Jańa Ońtústik Ýels politsiiasynyń nusqasy boiynsha, shema bylai jumys istegen: erli-zaiyptynyń telefondary ústeldegi kartalardy túsirip, miniatiýrli qulaqqap arqyly olarǵa karta oiynynda qandai "stavka" qoiý kerektigi jóninde nusqaý berilgen.
Olardyń kazino mańyndaǵy páterin tintý kezinde politsiia basqa qumar oiyn atribýttaryn, qymbat zergerlik buiymdardy jáne 2000 eýro qolma-qol aqsha tabqan.
Juma kúni erli-zaiyptylar qamaýǵa alý sharasyn anyqtaý úshin sotqa jetkizilgen. Olar kepilge shyǵý týraly ótinish jasamaǵan jáne qamaýda qaldyrylǵan. Dilnoza Israilova sotqa qaitadan aqpan aiynda, al kúieýi Alisherihodja Israilov 11 jeltoqsanda Daýnning-ortalyǵy sotynda qatysady.
