Belgili bloger Leila Rahymjanova óziniń áleýmettik jelidegi jazbasynda qazaq kinosynyń ańyzǵa ainalǵan týyndysy - "Qyz Jibek" filminde qalai túskenin jáne sol kezdegi kóńil kúiimen bólisti, dep habarlaidy Dalanews.kz.
"Qazaq qyzdaryn eń sulý emes deitin…"
"Men "Qyz Jibek" filmine túskim keldi, sebebi sol kezde qazaq qyzdaryn eń kóriksiz dep aitatyn. Sondyqtan men filmde ádemi qyzdar da kórinýi kerek dep oiladym. Biraq bizdi múlde túsirmedi. Túsirilim toby tek basty keiipkermen ainalysty. Bizdiń júzimizge qara qoshqyl grim jaǵyp, boianýǵa tyiym salyndy. Al eger biz "Qyz Jibekten ádemirek" shyqqan kadr bolsa, ol birden qiylyp tastalatyn. Osylaisha filmde Qyz Jibekten basqa ádemi qyzdar múlde kórinbei qaldy", – dep eske alady Leila Rahymjanova.
"Aǵam kúlkige qaryq boldy, men qoryqtym"
Blogerdiń aitýynsha, film jaryqqa shyqqan sátte aýyr sezim bolǵan.
"Film shyqqan kezde aǵam meni ekrannan kórip, kúlkisin toqtata almady. Men qatty qoryqtym, jáne osy filmge túskenime ókindim", – deidi ol.
"Men rejisserlerge unadym, biraq kinony qoidym"
Soǵan qaramastan, Leila Rahymjanova sol kezeńdegi áigili rejisserlerdiń nazarynda bolǵanyn aitady.
"Máskeý men Leningradtan kelgen rejisserler maǵan erekshe kóńil bóletin. Tipti Konchalovskii meni birneshe ai kútken. Biraq men ol kezde turmysqa shyǵyp kettim de, rejisserdiń assistentterine "endi kinoǵa túspeimin" dedim. Olar "tym bolmasa kelip, bir kórinip ketińiz, sizdi myqty adamdar kútip otyr" deitin. Men bárin túsinetinmin, biraq ózimdi tym adal jar sanadym", – dep jazdy ol.
Aita keteiik, 1970 jyly túsirilgen "Qyz Jibek" filmi qazaq kinosynyń altyn qoryna engen týyndy. Basty róldi somdaǵan Merýert Ótekeshova sol kezden bastap ulttyq sulýlyqtyń simvolyna ainaldy.
