Qazaqstandyq bankter 2025 jyldyń alǵashqy alty aiynda (qańtar–shilde) 1,6 trln teńge tabys tapty. Ótken jyldyń osy kezeńimen salystyrǵanda 18,1%-ǵa nemese 252,5 mlrd teńgege kóp. Bul statistikany Ulttyq bank usyndy, dep habarlaidy Dalanews.kz.
Shilde aiynda qazaqstandyq bankterdiń taza paidasy 262 mlrd teńgege jetip, jyl basynan bergi eń joǵary kórsetkishti tanytty. Al ol ótken jyldyń shildesimen salystyrǵanda 13%-ǵa (30 mlrd teńgege) joǵary.
Jalpy, jyl basynan beri otandyq bankterdiń tapqan taza paidasy mynandai:
- qańtarda – 228,4 mlrd teńge,
- aqpanda – 220,3 mlrd teńge,
- naýryzda – 215,1 mlrd teńge,
- sáýirde – 240,5 mlrd teńge,
- mamyrda – 238,6 mlrd teńge,
- maýsymda – 235,7 mlrd teńge.
Ár bankke qatysty egjei-tegjei esep-qisap Ulttyq Bank ai sońynda jariialanatynyn naqtylaidy.
2025 jyldyń 1 shildesindegi jaǵdai boiynsha, Qazaqstannyń bank sektorynda 22 ekinshi deńgeili bank, onyń 14-i sheteldikterdiń qatysýymen jumys isteýde, onda da 10-y enshiles bolyp tabylady. Qazaqstandaǵy bankterdiń menshikti kapitaly 10 trln teńgege jetip qaldy.
