Bas prokýratýra azamattardy áleýmettik jelide arandatýshylyq sipattaǵy jazbalar men qoǵamda alaýyzdyq týdyratyn pikir jariialamaýǵa shaqyrdy, dep habarlaidy dalanews.kz.
Vedomstvo málimetinshe, keiingi kezde áleýmettik jelide jurtty bir-birine qarsy qoiýǵa baǵyttalǵan túrli material men pikir jiilegen. Mundai áreketter zańmen qýdalanyp, qatań jaýapkershilikke ákep soǵýy múmkin.
Qylmystyq kodekstiń 174-babyna sáikes alaýyzdyqty qozdyrǵany úshin 2 myńnan 7 myń ailyq eseptik kórsetkishke deiin aiyppul salý, sondai-aq, 2 jyldan 20 jylǵa deiin bas bostandyǵyn shekteý nemese aiyrý jazasy qarastyrylǵan.
Budan bólek, Qazaqstanda internet platformalarda zańǵa qaishy kontent jariialaýǵa jáne taratýǵa tyiym salynǵan. Mundai áreketten qylmystyq quqyqbuzýshylyq belgileri anyqtalmasa, ákimshilik jaýapkershilik júktelip, 20 AEK kóleminde aiyppul salynady.
Prokýratýra azamattarǵa aqparattyń shynaiylyǵyn muqiiat tekserýge, qoǵamda alaýyzdyq týdyrýy múmkin materialdardy jariialamaýǵa jáne taratpaýǵa keńes berdi.
Sondai-aq, jalǵan aqparat taratqandarǵa ákimshilik nemese qylmystyq jaýapkershilik qarastyrylǵan. Zań talaptary tek jazba avtorlaryna ǵana emes, ony ádeii taratqan adamdarǵa da qoldanylady.
