قازاقستاندىق بانكتەر 2025 جىلدىڭ العاشقى التى ايىندا (قاڭتار–شىلدە) 1،6 ترلن تەڭگە تابىس تاپتى. وتكەن جىلدىڭ وسى كەزەڭىمەن سالىستىرعاندا 18،1%-عا نەمەسە 252،5 ملرد تەڭگەگە كوپ. بۇل ستاتيستيكانى ۇلتتىق بانك ۇسىندى، دەپ حابارلايدى Dalanews.kz.
شىلدە ايىندا قازاقستاندىق بانكتەردىڭ تازا پايداسى 262 ملرد تەڭگەگە جەتىپ، جىل باسىنان بەرگى ەڭ جوعارى كورسەتكىشتى تانىتتى. ال ول وتكەن جىلدىڭ شىلدەسىمەن سالىستىرعاندا 13%-عا (30 ملرد تەڭگەگە) جوعارى.
جالپى، جىل باسىنان بەرى وتاندىق بانكتەردىڭ تاپقان تازا پايداسى مىنانداي:
- قاڭتاردا – 228،4 ملرد تەڭگە،
- اقپاندا – 220،3 ملرد تەڭگە،
- ناۋرىزدا – 215،1 ملرد تەڭگە،
- ساۋىردە – 240،5 ملرد تەڭگە،
- مامىردا – 238،6 ملرد تەڭگە،
- ماۋسىمدا – 235،7 ملرد تەڭگە.
ءار بانككە قاتىستى ەگجەي-تەگجەي ەسەپ-قيساپ ۇلتتىق بانك اي سوڭىندا جاريالاناتىنىن ناقتىلايدى.
2025 جىلدىڭ 1 شىلدەسىندەگى جاعداي بويىنشا، قازاقستاننىڭ بانك سەكتورىندا 22 ەكىنشى دەڭگەيلى بانك، ونىڭ 14ء-ى شەتەلدىكتەردىڭ قاتىسۋىمەن جۇمىس ىستەۋدە، وندا دا 10-ى ەنشىلەس بولىپ تابىلادى. قازاقستانداعى بانكتەردىڭ مەنشىكتى كاپيتالى 10 ترلن تەڭگەگە جەتىپ قالدى.
