Bul kún – barsha otandastarymyzdy yntymaq pen birlikke bastaityn kún. Qazaqstan memlekettiliginiń negizin qalaýshy – elimizdiń Tuńǵysh Prezidenti N. Á. Nazarbaevtyń jan-jaqty saralanǵan ishki jáne syrtqy saiasatynyń arqasynda elimiz damýdyń ilgerileý men órkendeý jolymen keledi.
Qazaqta: «Tarihty tulǵalar jasaidy» degen sóz bar. Ár ulttyń ózindik tarihyn qalyptastyrǵan uly tulǵalar bolady. Olar qanshama ýaqyt ótse de sol ulttyń danasy retinde sanaǵa bekip, adamzattyń ortaq azamatyna ainalady. Bul rette, egemen Qazaqstannyń negizin salýdyń jáne nyǵaitýdyń tarihi missiiasy Elbasy Nursultan Nazarbaevqa tiesili.
Táýelsiz memlekettiń negizin qalaýshy Prezident barsha qazaqstandyq moiyndaǵan jáne halyqaralyq qoǵamdastyq tarapynan qurmetke ie bolǵan kemeńger tulǵa.
Biyl Elbasymyz kieli Maqtaaral aýdanyn tarihi qalpyna keltirip, maqtaly ólkeniń bolashaǵyn aiqyndap berdi. Sonyń arqasynda 21 jyl boiy shette qalyp, damýdan kesheýildegen Myrzakent pen Atakent kentteri, basqa da aýyldyq okrýgter damýdyń dańǵyl jolyna tústi. Biz jańa aýdanda mádeniet pen ónerimizdi, bilim men ǵylymdy, ónerkásip pen biznesimizdi damytý arqyly uly maqsattarǵa jetetin bolamyz.
Maqtaaral aýdanyna birneshe ret aiaq basqan ult kóshbasshysy N.Á.Nazarbaev maqtaaraldyqtarǵa úlken senim bildiretinin aitqan. Máselen, «Maqtaaral – Ońtústik Qazaqstannyń» júregi degen sózi áli kúnge deiin bizge shabyt beredi. Mine, Elbasymyzdyń senimi údesinen shyǵý maqsatynda aýdanda aýqymdy ister atqarylyp, tarihi qalpyna kelgen Maqtaaraldy damytýǵa baǵyttalǵan jańa jobalar jasalýda.
Qarashanyń ortasynda 3 kúnge sozylǵan ulan-asyr toiymyzdy ótkizip aldyq. Maqtaaral aýdanynyń 90 jyldyq mereitoiyna Ózbekstan Respýblikasynyń Syrdariia oblysynan arnaiy delegatsiia kelip, toiymyz halyqaralyq deńgeige ulasty. Oblys basshysy J.Q.Túimebaev mereitoiymyzdyń ashylý saltanatyna qatysyp, eńbekqor maqtaaraldyqtarǵa degen izgi tilegin arnady. Sondai-aq, aýdanymyzdan túlep ushyp respýblikamyzdyń túrli jerlerinde júrgen ataqty túlekter, osy jerde týyp-ósip, Germaniia, Gretsiia, Resei siiaqty t.b. memleketterde turyp jatqan ózge ult ókilderi qonaqqa keldi. Munyń barlyǵy da – maqtaly Maqtaaral aýdanynyń Respýblikada, tipti tutas TMD-da abyroiy men bedeliniń joǵary ekendigin kórsetip berdi.
Qadirli jerlester! 1 jeltoqsan – bizdiń tarihymyzdyń jańa aq paraǵy ashylǵan kún. Táýelsizdikti tuǵyryna qondyrǵan, eldi erlikke jetkizgen Ult Kóshbasshysy 1 jeltoqsanda el tizginin ustady. Osy kúni prezidenttik institýtqa qadam bastyq.
Tuńǵysh Prezidenttiń bastamalaryna qoldaý jasai otyryp, elimiz kóp biikti baǵyndyrdy. Memleketimizdiń álem elderi arasyndaǵy abyroiy ýaqyt sanap artyp keledi. Munyń barlyǵy da búgingi táýelsizdigimizdi tuǵyrly etý jolyndaǵy Tuńǵysh Prezidentimiz – Elbasynyń eseli eńbeginiń, kóregen jasampazdyǵynyń jemisi.
Baqyt Asanov, Maqtaaral aýdanynyń ákimi
