Qazaqstandaǵy shaǵyn jáne mikrobiznes sýbektileriniń salyq boiynsha bereshegi 273 mlrd teńgeden asty. Bul týraly Ulttyq kásipkerler palatasy «Atamekende» ótken seminarda Memlekettik kirister komitetiniń aýdit departamenti qaryzdarmen jumys basqarmasynyń basshysy Qaisar Aryn málimdedi, dep habarlaidy Dalanews.kz.
Onyń aitýynsha, jalpy alǵanda qazaqstandyq kásiporyndardyń salyq boiynsha bereshegi 1 trln teńgeden asyp ketken. Sonyń ishinde shaǵyn jáne mikrobiznes sýbektileriniń qaryzy 273 mlrd teńgege jetken.
Qaisar Arynnyń sózinshe, bul somanyń 176 mlrd teńgesi – negizgi salyq qaryzy, 90 mlrd teńgesi – ósimpul, al shamamen 7 mlrd teńgesi – aiyppul.
Sonymen qatar ol eger kásipkerler aǵymdaǵy jyldyń birinshi toqsanynyń sońyna deiin negizgi salyq somasyn tólese, onda ósimpul men aiyppul tolyqtai joiylatynyn aitty.
Memlekettik kirister komiteti salyq bereshegi bar salyq tóleýshilerdiń tizimin komitettiń resmi internet-resýrsynda jariialaǵan.
