قازاقستانداعى شاعىن جەنە ميكروبيزنەس سۋبەكتٸلەرٸنٸڭ سالىق بويىنشا بەرەشەگٸ 273 ملرد تەڭگەدەن استى. بۇل تۋرالى ۇلتتىق كەسٸپكەرلەر پالاتاسى «اتامەكەندە» ٶتكەن سەميناردا مەملەكەتتٸك كٸرٸستەر كوميتەتٸنٸڭ اۋديت دەپارتامەنتٸ قارىزدارمەن جۇمىس باسقارماسىنىڭ باسشىسى قايسار ارىن مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, جالپى العاندا قازاقستاندىق كەسٸپورىنداردىڭ سالىق بويىنشا بەرەشەگٸ 1 ترلن تەڭگەدەن اسىپ كەتكەن. سونىڭ ٸشٸندە شاعىن جەنە ميكروبيزنەس سۋبەكتٸلەرٸنٸڭ قارىزى 273 ملرد تەڭگەگە جەتكەن.
قايسار ارىننىڭ سٶزٸنشە, بۇل سومانىڭ 176 ملرد تەڭگەسٸ – نەگٸزگٸ سالىق قارىزى, 90 ملرد تەڭگەسٸ – ٶسٸمپۇل, ال شامامەن 7 ملرد تەڭگەسٸ – ايىپپۇل.
سونىمەن قاتار ول ەگەر كەسٸپكەرلەر اعىمداعى جىلدىڭ بٸرٸنشٸ توقسانىنىڭ سوڭىنا دەيٸن نەگٸزگٸ سالىق سوماسىن تٶلەسە, وندا ٶسٸمپۇل مەن ايىپپۇل تولىقتاي جويىلاتىنىن ايتتى.
مەملەكەتتٸك كٸرٸستەر كوميتەتٸ سالىق بەرەشەگٸ بار سالىق تٶلەۋشٸلەردٸڭ تٸزٸمٸن كوميتەتتٸڭ رەسمي ينتەرنەت-رەسۋرسىندا جارييالاعان.
