Almaty qalasynyń ákimi Darhan Satybaldynyń tóraǵalyǵymen ótken alqaly jiynda elektrondyq saýdanyń qazirgi jai-kúii men onyń damytý baǵyttary talqylandy. Basqosýda Almatyny Qazaqstan men Ortalyq Aziiadaǵy elektrondyq kommertsiianyń basty ortalyǵy retinde rólin nyǵaitý máselesine basa nazar aýdaryldy,- dep habarlaidy Dalanews.kz
Qalalyq kásipkerlik jáne investitsiialar basqarmasynyń málimetinshe, 2024 jyldyń qorytyndysy boiynsha Almatydaǵy elektrondyq saýda kólemi 5,3 trln teńge bolǵan. Bul kórsetkish ótken jylmen salystyrǵanda 42% joǵary. Onyń ishinde 3 trln teńgesi taýarlardyń bólshek saýdasyna, 2,3 trln teńge onlain qyzmet kórsetýge tiesili. Osylaisha, Almatynyń respýblika boiynsha onlain saýdadaǵy úlesi 90%-dan asyp otyr.
Almatyda 1500-den astam belsendi elektrondyq kommertsiia sýbektisi jumys isteidi, bul el aýmaǵynda tirkelgenderdiń shamamen jartysy. Negizgi baǵyttarǵa kúndelikti tutynatyn taýarlar, tehnika, kiim-keshek, kosmetika, sondai-aq, jetkizý, kólik jáne brondaý salalaryndaǵy qyzmetter jatady.
Mańyzdy baǵyttardyń biri logistika jáne qoima infraqurylymyn damytý. Qalada elektrondyq saýdaǵa beiimdelgen taratý ortalyqtary iske qosylyp, iri logistikalyq nysandardyń qurylysy qurylysy qarqyn alyp keledi. Bul óz kezeginde jańa jumys oryndarynyń ashylýyna, onlain tapsyrys qabyldaý men jetkizý jyldamdyǵyn arttyrýǵa múmkindik beredi.
Kezdesý barysynda qala bazarlardy jańǵyrtý elektrondyq saýda júiesiniń qosymsha elementi retinde qaraldy. Almatydaǵy 59 bazardyń 41-i jańartýdan ótken. Bul nysandarda tsifrlyq saýda júiesi engizilip, turaqty internet jelisi tartylyp, saqtaý, logistika jáne qolma-qol aqshasyz tólem aimaqtary júielenip keledi. 10 myńnan astam satýshy dástúrli saýda tásilin onlain formatpen sátti ushtastyryp otyr.
Sonymen qatar shaǵyn jáne orta biznesti qoldaý sharalary talqylandy. Shaharda tsifrlyq daǵdyny damytý, halyqaralyq platformalarmen jumys isteýdi úiretý jáne onlain arnalar arqyly shikizattyq emes ónimdi eksporttaýǵa baǵyttalǵan bilim jáne keńes berý baǵdarlamalary júzege asyrylyp otyr.
Keńes sońynda qala basshysy Darhan Satybaldy infraqurylymdyq jobalardy júzege asyrýdy jedeldetýdi, tsifrlandyrý isin keńeitýdi jáne onlain platformalarmen seriktestikti kúsheitýdi tapsyrdy. Josparǵa sai, 2025 jyldyń sońyna qarai Almatydaǵy elektrondyq bólshek saýda kólemi 3,5 trln teńgege jetip, al 2030 jylǵa qarai bólshek saýda ainalymyndaǵy elektrondyq saýdanyń úlesi 50%-dan kem bolmaidy degen úmit bar.
