الماتى قالاسىنىڭ ەكٸمٸ دارحان ساتىبالدىنىڭ تٶراعالىعىمەن ٶتكەن القالى جيىندا ەلەكتروندىق ساۋدانىڭ قازٸرگٸ جاي-كٷيٸ مەن ونىڭ دامىتۋ باعىتتارى تالقىلاندى. باسقوسۋدا الماتىنى قازاقستان مەن ورتالىق ازيياداعى ەلەكتروندىق كوممەرتسييانىڭ باستى ورتالىعى رەتٸندە رٶلٸن نىعايتۋ مەسەلەسٸنە باسا نازار اۋدارىلدى,- دەپ حابارلايدى Dalanews.kz
قالالىق كەسٸپكەرلٸك جەنە ينۆەستيتسييالار باسقارماسىنىڭ مەلٸمەتٸنشە, 2024 جىلدىڭ قورىتىندىسى بويىنشا الماتىداعى ەلەكتروندىق ساۋدا كٶلەمٸ 5,3 ترلن تەڭگە بولعان. بۇل كٶرسەتكٸش ٶتكەن جىلمەن سالىستىرعاندا 42% جوعارى. ونىڭ ٸشٸندە 3 ترلن تەڭگەسٸ تاۋارلاردىڭ بٶلشەك ساۋداسىنا, 2,3 ترلن تەڭگە ونلاين قىزمەت كٶرسەتۋگە تيەسٸلٸ. وسىلايشا, الماتىنىڭ رەسپۋبليكا بويىنشا ونلاين ساۋداداعى ٷلەسٸ 90%-دان اسىپ وتىر.
الماتىدا 1500-دەن استام بەلسەندٸ ەلەكتروندىق كوممەرتسييا سۋبەكتٸسٸ جۇمىس ٸستەيدٸ, بۇل ەل اۋماعىندا تٸركەلگەندەردٸڭ شامامەن جارتىسى. نەگٸزگٸ باعىتتارعا كٷندەلٸكتٸ تۇتىناتىن تاۋارلار, تەحنيكا, كيٸم-كەشەك, كوسمەتيكا, سونداي-اق, جەتكٸزۋ, كٶلٸك جەنە برونداۋ سالالارىنداعى قىزمەتتەر جاتادى.
ماڭىزدى باعىتتاردىڭ بٸرٸ لوگيستيكا جەنە قويما ينفراقۇرىلىمىن دامىتۋ. قالادا ەلەكتروندىق ساۋداعا بەيٸمدەلگەن تاراتۋ ورتالىقتارى ٸسكە قوسىلىپ, ٸرٸ لوگيستيكالىق نىسانداردىڭ قۇرىلىسى قۇرىلىسى قارقىن الىپ كەلەدٸ. بۇل ٶز كەزەگٸندە جاڭا جۇمىس ورىندارىنىڭ اشىلۋىنا, ونلاين تاپسىرىس قابىلداۋ مەن جەتكٸزۋ جىلدامدىعىن ارتتىرۋعا مٷمكٸندٸك بەرەدٸ.
كەزدەسۋ بارىسىندا قالا بازارلاردى جاڭعىرتۋ ەلەكتروندىق ساۋدا جٷيەسٸنٸڭ قوسىمشا ەلەمەنتٸ رەتٸندە قارالدى. الماتىداعى 59 بازاردىڭ 41-ٸ جاڭارتۋدان ٶتكەن. بۇل نىسانداردا تسيفرلىق ساۋدا جٷيەسٸ ەنگٸزٸلٸپ, تۇراقتى ينتەرنەت جەلٸسٸ تارتىلىپ, ساقتاۋ, لوگيستيكا جەنە قولما-قول اقشاسىز تٶلەم ايماقتارى جٷيەلەنٸپ كەلەدٸ. 10 مىڭنان استام ساتۋشى دەستٷرلٸ ساۋدا تەسٸلٸن ونلاين فورماتپەن سەتتٸ ۇشتاستىرىپ وتىر.
سونىمەن قاتار شاعىن جەنە ورتا بيزنەستٸ قولداۋ شارالارى تالقىلاندى. شاھاردا تسيفرلىق داعدىنى دامىتۋ, حالىقارالىق پلاتفورمالارمەن جۇمىس ٸستەۋدٸ ٷيرەتۋ جەنە ونلاين ارنالار ارقىلى شيكٸزاتتىق ەمەس ٶنٸمدٸ ەكسپورتتاۋعا باعىتتالعان بٸلٸم جەنە كەڭەس بەرۋ باعدارلامالارى جٷزەگە اسىرىلىپ وتىر.
كەڭەس سوڭىندا قالا باسشىسى دارحان ساتىبالدى ينفراقۇرىلىمدىق جوبالاردى جٷزەگە اسىرۋدى جەدەلدەتۋدٸ, تسيفرلاندىرۋ ٸسٸن كەڭەيتۋدٸ جەنە ونلاين پلاتفورمالارمەن سەرٸكتەستٸكتٸ كٷشەيتۋدٸ تاپسىردى. جوسپارعا ساي, 2025 جىلدىڭ سوڭىنا قاراي الماتىداعى ەلەكتروندىق بٶلشەك ساۋدا كٶلەمٸ 3,5 ترلن تەڭگەگە جەتٸپ, ال 2030 جىلعا قاراي بٶلشەك ساۋدا اينالىمىنداعى ەلەكتروندىق ساۋدانىڭ ٷلەسٸ 50%-دان كەم بولمايدى دەگەن ٷمٸت بار.
