2026 jylǵy 1 maýsymdaǵy jaǵdai boiynsha Qazaqstannyń jergilikti biýdjetterine túsken salyq kólemi 3,7 trln teńgeni qurady. Bul ótken jyldyń sáikes kezeńimen salystyrǵanda 25,6 mlrd teńgege az, dep habarlaidy dalanews.kz.
Alaida óńirlerdegi jaǵdai birkelki emes. Eldegi 20 óńirdiń 10-ynda salyq túsimi artsa, qalǵan 10 óńirde tómendegen.
Economykz.org málimetinshe, salyq túsimi eń joǵary ósim kórsetken óńirlerdiń qatarynda Aqmola oblysy – 17,7 paiyz (15,9 mlrd teńgege), Almaty oblysy – 16,9 paiyz (40,5 mlrd teńgege), Pavlodar oblysy – 13,6 paiyz (23,6 mlrd teńgege), Astana qalasy – 6 paiyz (31 mlrd teńgege) jáne Abai oblysy – 6 paiyz (3,5 mlrd teńgege) artqan. Sonymen qatar Jetisý, Soltústik Qazaqstan, Jambyl, Qostanai oblystary men Shymkent qalasynda da salyq túsimi ótken jylmen salystyrǵanda kóbeigen.
Al eń úlken tómendeý Atyraý oblysynda – 13 paiyzdy (47,7 mlrd teńge), Mańǵystaý oblysynda – 12 paiyzdy (16,6 mlrd teńge), Batys Qazaqstan oblysynda – 10,4 paiyzdy (10,5 mlrd teńge), Qaraǵandy oblysynda – 8,3 paiyzdy (15,2 mlrd teńge) jáne Almaty qalasynda – 5,5 paiyzdy (51,7 mlrd teńge) qurady. Budan bólek, Aqtóbe, Túrkistan, Ulytaý, Shyǵys Qazaqstan jáne Qyzylorda oblystarynda da jergilikti biýdjetke túsken salyq kólemi azaiǵan.
