2026 jyldyń qańtarynan bastap Qazaqstanda infliatsiiany esepteý ádistemesi jańartylady. Bul týraly Ulttyq statistika biýrosy málimdedi, dep habarlaidy Dalanews.kz.
Jańa tásilge sáikes, infliatsiiany esepteý kezinde dástúrli túrde dúkender men onlain platformalardaǵy baǵa monitoringimen qatar, fiskaldyq chekterdiń derekteri de paidalanylady. Bul halyqtyń naqty tutyný qurylymy men shynaiy baǵalardy dálirek kórsetýge múmkindik beredi.
Jańartylǵan ádisteme Halyqaralyq valiýta qory men Dúniejúzilik bank tarapynan saraptamadan ótip, oń baǵasyn alǵan. Esepteýlerge 60 millionnan astam fiskaldyq chek derekteri tartylǵan, bul baǵa boiynsha baqylaý aýqymyn edáýir keńeitedi.
Mundai tájiribe búginde birqatar Eýropa elderinde qoldanylady. Qazaqstan úshin bul qadam infliatsiia kórsetkishterin neǵurlym jedel ári sapaly qalyptastyrýǵa, sondai-aq resmi statistikanyń naqtylyǵyn arttyrýǵa baǵyttalǵan.
