Qazaqstanda halyq sany 20,6 millionnan asty, dep habarlaidy dalanews.kz.
Ulttyq statistika biýrosy málimetinshe, 1 tamyzdaǵy jaǵdai boiynsha Qazaqstan halqy 20 604 819 adamǵa jetken.
Jyl basynan beri halyq sany 104 997 adamǵa artqan. Osylaisha kórsetkish jańa mejege jetti.
Eń kóp halyq Almatyda (2,38 million adam), Túrkistan oblysynda (2,14 million adam) turady. Astanada halyq sany bir aida shamamen 8 myń adamǵa kóbeiip, 1,69 millionǵa jetti. Elordada halyq ósiminiń eń joǵary qarqyny tirkeldi.
Qazaqstandyqtardyń 13,2 milliony qalalarda, al 7,39 milliony aýyldyq jerlerde turady. Jyl basynan beri qala halqy kóbeise, aýyl halqy 21 652 adamǵa azaiǵan.
