Memleket basshysy Atom energiiasy jónindegi agenttik tóraǵasy Almasadam Sátqalievti qabyldady, dep habarlaidy dalanews.kz.
Prezident Qasym-Jomart Toqaevqa agenttiktiń 2026 jyly atqarǵan jumysynyń negizgi nátijeleri týraly esebi tanystyryldy.
Memleket basshysyna atom ónerkásibi men energetika jóninde málimet berildi. Atap aitqanda, AES qurylysy, atom ǵylymy men innovatsiialardy damytý, maman daiarlaý jáne saladaǵy jobalardyń otandyq úlesin arttyrý máseleleri kóterildi.
Semei iadrolyq qaýipsizdik aimaǵyn qurý, radioaktivti qaldyqtardy basqarý júiesin jetildirý, iadrolyq jáne radiatsiialyq qaýipsizdik salasyndaǵy normativtik-quqyqtyq bazany nyǵaitý máselelerine erekshe nazar aýdaryldy.
Kezdesý sońynda Prezident ulttyq atom energetikasyn ilgeriletý máselelerin airyqsha baqylaýda ustaýdy, sondai-aq, Atom salasynyń damý strategiiasy aiasynda aiqyndalǵan mindetterdi júzege asyrý jóninde ýaqtyly sharalar qabyldaýdy tapsyrdy.
