Ulttyq qor qarajaty maqsatsyz paidalanylǵan nemese esepti jyl ishinde igerilmegen jaǵdaida ony qaitarýdyń jańa reglamenti qabyldandy. Bul jumys Joǵary aýditorlyq palatanyń usynymy boiynsha júzege asyryldy, dep habarlaidy Dalanews.kz.
Buǵan deiin Joǵary aýdiorlyq palata 2019-2021 jyldar aralyǵynda Ulttyq qordan bólingen nysanaly transfertterdiń tiimdiligine aýdit júrgizgen. Aýdit qorytyndysy boiynsha Qazaqstan Respýblikasynyń Úkimetine mynadai usynymdar berildi:
- qarajat ruqsat etilmegen baǵyttarǵa jumsalǵan jaǵdaida ony qaitarý qaǵidalaryn bekitý;
- paidalanylmaǵan qarajatty qaitarý merzimi men tártibin naqtylaý úshin tiisti qaýlyǵa ózgerister engizý;
- nysanaly maqsatta paidalanylǵannan keiin qaita qoldanýǵa jol bermeý úshin biýdjettik kreditter men obligatsiialyq qaryzdar túrinde berilgen qarajatty qaitarý mehanizmin ázirleý.
"Nátijesinde Biýdjet kodeksine qajetti túzetýler engizildi. Biyl 2 shildede Ulttyq qormen jumys tártibin jańartatyn Úkimet qaýlysy qabyldandy", delingen Joǵary aýditorlyq palata habarlamasynda.
Sonymen qatar Qarjy ministrligi 2025 jylǵa arnalǵan birqatar buiryq shyǵardy, atap aitqanda:
- biýdjetti atqarý jáne onyń kassalyq qyzmet kórsetý qaǵidalary;
- qazynashylyq atqarý jáne esepke alý rásimderi;
- Biryńǵai biýdjettik synyptama;
- biýdjet túsimderin ártúrli deńgeidegi biýdjetter, Ulttyq qor shottary, biýdjetten tys qorlar jáne EAEO elderiniń biýdjetteri arasynda bólý tártibi.
Memleket basshysy Qasym-Jomart Toqaev Ulttyq qor resýrstaryn tiimdi paidalaný máselelerine basa nazar aýdarady. Prezidenttiń tapsyrmasy boiynsha biyl Ulttyq qordan bólingen qarajattyń jumsalýyn monitoringteý jónindegi komissiianyń jumysy qaita uiymdastyryldy. Qazirgi ýaqytta bul Komissiia Joǵary aýditorlyq palatanyń janynda jumys isteidi. Komissiianyń jumys formaty men quramy Memleket basshysy qoiǵan ózekti mindetterdi eskere otyryp jańartyldy.
