Almaty oblysynda VIP-tutynýshylarǵa esirtki satýmen ainalysqan qylmystyq toptyń qyzmeti áshkerelendi, dep habarlaidy dalanews.kz.
Tergeý málimetinshe, kúdiktiler esirtkini zańsyz ósirýden bastap, daiyn ónimdi satýǵa deiingi tolyq óndiris tizbegin uiymdastyrǵan.
Jasyryn fitozerthana zamanaýi avtomattandyrylǵan jeldetý júiesimen, temperatýra, jaryq jáne sýarý rejimin baqylaityn qurylǵylarmen jabdyqtalǵan.
Tintý barysynda 29 túp qarasora, 27 keli daiyn esirtki, ósirýge arnalǵan arnaiy qural-jabdyqtar, 3 million teńge qolma-qol aqsha, sondai-aq tirkelmegen travmatikalyq qarý men oǵan arnalǵan oq-dáriler tárkilendi.
Politsiianyń málimetinshe, fitozerthanany uiymdastyrǵan 40 jastaǵy er adam uzaq ýaqyt boiy kannabis tobyna jatatyn esirtkilerdi ósirý tehnologiiasyn zerttegen. Ol bul úshin shetelderge arnaiy baryp, mamandardan keńes alyp, zamanaýi tehnologiialardy engizip, gashish maiyn alý tásilderin jetildirip otyrǵan.
Sonymen qatar onyń sybailasy da ustaldy. Kúdiktilerdiń barlyǵy ýaqytsha ustaý izoliatoryna qamaldy. Sondai-aq olardyń jyljymaityn múlki men qymbat avtokólikterine tyiym salyndy.
