Batys Qazaqstan oblysynyń ákimi Ǵali Esqaliev karantin kezinde jappai sharalar ótkizgender jaily politsiiaǵa ne sanitarlyq-epidemiologiialyq stantsiiaǵa habarlarǵandarǵa syiaqy beriledi dep ýáde bergen. Onyń kólemi 70 dollar dep jazady jergilikti BAQ.
"Biz jappai sharalar ótkizgender jaily habarlap, kómekteskenderge qarjylai syiaqy beremiz. Muny sóz tasý dep habarlaýy múmkin. Biraq olai emes. Bul qoǵamǵa kómek. Buǵan arnaiy aqsha bóldik", – degen Esqaliev operativti shtab otyrysynda.
Onyń aitýynsha, 130 adamnan turatyn baqylaityn top tańerteńnen keshke deiin jergilikti aýyldardy aralap júre almaidy. Sol úshin jergilikti turǵyndardan kómek suraitynyn jetkizgen.
Ákim elde áli koronavirýstyń ketpegenin aityp, karantindi jumsartý degen problema sheshildi degen másele emes deidi.
Karantin tártibin buzǵandar jaily habarlaǵandarǵa 27 myń 780 teńge kóleminde (70 dollar) syiaqy berilmek.
Karantin kezinde tártip buzǵandarǵa salynǵan aiyppul kólemi 34 mln teńge (80 myń dollar) bolǵan. 551 tártip buzylǵan hattama toltyrylǵan. Onyń deni Oral qalasynda oryn alǵan. Adamdardyń kóbi túngi 23:00-den keiin júrip-turýǵa tyiym salynǵan erejeni buzǵan.
26 tamyzdaǵy kórsetkish boiynsha Qazaqstanda koronavirýs 105 075 adamnan anyqtalǵan. Olardyń 1544-si adam qaitys bolǵan. Pnevmoniiaǵa 23 543 adam shaldyǵyp, 268 naýqas kóz jumǵan.
