باتىس قازاقستان وبلىسىنىڭ ەكٸمٸ عالي ەسقاليەۆ كارانتين كەزٸندە جاپپاي شارالار ٶتكٸزگەندەر جايلى پوليتسيياعا نە سانيتارلىق-ەپيدەميولوگييالىق ستانتسيياعا حابارلارعاندارعا سىياقى بەرٸلەدٸ دەپ ۋەدە بەرگەن. ونىڭ كٶلەمٸ 70 دوللار دەپ جازادى جەرگٸلٸكتٸ باق.
"بٸز جاپپاي شارالار ٶتكٸزگەندەر جايلى حابارلاپ, كٶمەكتەسكەندەرگە قارجىلاي سىياقى بەرەمٸز. مۇنى سٶز تاسۋ دەپ حابارلاۋى مٷمكٸن. بٸراق ولاي ەمەس. بۇل قوعامعا كٶمەك. بۇعان ارنايى اقشا بٶلدٸك", – دەگەن ەسقاليەۆ وپەراتيۆتٸ شتاب وتىرىسىندا.
ونىڭ ايتۋىنشا, 130 ادامنان تۇراتىن باقىلايتىن توپ تاڭەرتەڭنەن كەشكە دەيٸن جەرگٸلٸكتٸ اۋىلداردى ارالاپ جٷرە المايدى. سول ٷشٸن جەرگٸلٸكتٸ تۇرعىنداردان كٶمەك سۇرايتىنىن جەتكٸزگەن.
ەكٸم ەلدە ەلٸ كوروناۆيرۋستىڭ كەتپەگەنٸن ايتىپ, كارانتيندٸ جۇمسارتۋ دەگەن پروبلەما شەشٸلدٸ دەگەن مەسەلە ەمەس دەيدٸ.
كارانتين تەرتٸبٸن بۇزعاندار جايلى حابارلاعاندارعا 27 مىڭ 780 تەڭگە كٶلەمٸندە (70 دوللار) سىياقى بەرٸلمەك.
كارانتين كەزٸندە تەرتٸپ بۇزعاندارعا سالىنعان ايىپپۇل كٶلەمٸ 34 ملن تەڭگە (80 مىڭ دوللار) بولعان. 551 تەرتٸپ بۇزىلعان حاتتاما تولتىرىلعان. ونىڭ دەنٸ ورال قالاسىندا ورىن العان. ادامداردىڭ كٶبٸ تٷنگٸ 23:00-دەن كەيٸن جٷرٸپ-تۇرۋعا تىيىم سالىنعان ەرەجەنٸ بۇزعان.
26 تامىزداعى كٶرسەتكٸش بويىنشا قازاقستاندا كوروناۆيرۋس 105 075 ادامنان انىقتالعان. ولاردىڭ 1544-سٸ ادام قايتىس بولعان. پنەۆمونيياعا 23 543 ادام شالدىعىپ, 268 ناۋقاس كٶز جۇمعان.
