– Statistikaǵa sáikes, 2023 jyldyń eki aiynda qylmys ótken jyldyń sáikes kezeńimen salystyrǵanda 13,9%-ǵa tómendegen. Sotqa deiingi tergeýlerdiń basym bóligi Almaty (4676) jáne Astana (3295), Shymkent (1136) qalalaryna, Almaty (1974), Qaraǵandy (1651), Aqtóbe (1196), Túrkistan (1133) jáne Qostanai (1126) oblystarynda tirkelgen, – dedi quqyqtyq aqparatty qalyptastyrý departamentiniń basshysy Janserik Beisenov.
Elimizde 10 myń adamǵa shaqqanda quqyq buzýshylyq deńgeii 82 qylmysty quraǵan. Óńirler boiynsha 10 myń adamǵa shaqqandaǵy qylmystyń joǵary kórsetkishi Atyraý (10 myń turǵynǵa 94 quqyq buzýshylyq), Qaraǵandy (90), Soltústik Qazaqstan (88), Qostanai (84) oblystarynda tirkelgen. 10 myń adamǵa shaqqandaǵy tirkelgen qylmystyq quqyq buzýshylyqtardyń deńgeiin eskere otyryp, respýblikalyq mańyzy bar qalalar men oblys ortalyqtaryndaǵy qylmys týraly aqparat taldandy. Qylmystyq oqiǵalar eń kóp oryn alatyn qalalarǵa Taldyqorǵan (10 myń adamǵa 172 quqyq buzýshylyq), Astana (151), Petropavl (146), Kókshetaý (143), Qostanai (136) jáne Almaty (134) jatady.
Sondai-aq prokýratýra ókili komitettiń elektrondy formattaǵy portaly arqyly qajetti joldardy toltyryp, ETsQ nemese telefon nómirine SMS rastaý arqyly qol qoiyp, politsiiaǵa ótinish berýge bolatynyn atap ótti. Bul tsifrlyq damý qazaqstandyqtardyń quqyqtyq qaýipsizdigin qamtamasyz etýge yqpal etedi. Sonymen qatar «Quqyq buzýshylyq týraly aryzdyń tirkelýin tekserý» bóliminde aryzdy qabyldaý kezinde quqyq qorǵaý organdary bergen talon nómirin kórsete otyryp nemese JSN arqyly ótinishtiń qai kezeńde qaralyp jatqanyn jáne nátijesin kórýge bolady. Tipti, aryzdaǵy málimetter talon alǵan sátten bastap 24 saǵat ishinde tekserile bastaidy. Azamattyń ótinishiniń qaralý mártebesin onyń qai aimaqta berilgenine qaramastan, politsiiadan nemese komitettiń saitynan tekserýge bolady.
– Quqyqtyq aqparat alýdyń yńǵaily joly da ázirlendi. Ótinishterdiń eń kóp sany qylmys jáne basqa da quqyqtyq máseleler boiynsha tolyq jáne senimdi statistikany qajet etetin azamattardan – memlekettik organdardan, stýdentterden, magistranttardan, BAQ ókilderinen, ǵylym salasynan túsedi. Osy maqsatta Quqyqtyq statistika qyzmeti ázirlendi, – dep túsindirdi Janserik Beisenov.
Elimizdegi qylmystyń jai-kúiin, tirkelgen jol-kólik oqiǵalaryn, kásipkerlik sýbektileriniń qyzmeti týraly aqparatty komitet portalynda da ornalastyrylǵan geografiialyq aqparattyq kartalar arqyly bilýge bolady. Qylmystyq quqyq buzýshylyqtar kartasyn paidalaný kezinde Qazaqstan azamaty aýmaqtyq qamtý, ýaqyt kezeńi jáne Qylmystyq kodekstiń jekelegen baptary boiynsha quqyq buzýshylyqtar týraly statistikalyq aqparatty da ala alady.
Prokýratýra ókiliniń aitýynsha, kartada jasalǵan quqyq buzýshylyqtar týraly aqparat politsiia qyzmetkerleri ERDR aqparattyq júiesinde quqyq buzýshylyqtyń orny týraly qajetti aqparatty toltyrǵannan keiin avtomatty túrde kórsetiledi. Óńirdegi qylmystyń dinamikasyn kórsetetin statistikanyń kez kelgen bólimin de bólek ashyp, qaraýǵa bolady. Bul qai oblystar, qalalar men aýdandardyń qylmystylyǵy joǵary ekenin taldaýǵa múmkindik beredi.
– Karta qylmystyq árekettiń oshaqtaryn anyqtaýǵa, jinaqtalý mekenjailaryn bilýge, jan-jaqty taldaý júrgizýge yqpal etedi. Osylaisha, quqyq buzýshylyqtyń aldyn alý boiynsha kúshter men quraldardy utymdy úilestirýdi qamtamasyz etýge bolady, – dep qosty ol.
Sondai-aq, komitettiń jáne onyń aýmaqtyq organdarynyń aqparattyq-anyqtamalyq qyzmeti qylmysqa, esirtki jáne psihotroptyq zattardyń zańsyz ainalymyna qarsy tiimdi kúres júrgizýge múmkindik týdyratynyn bilgen jón. Bul respýblikanyń barlyq memlekettik organdarynyń qyzmetin úilestiredi. Sonymen qatar, terrorizmniń, ekstremizmniń, transshekaralyq jáne halyqaralyq qylmystyń, adam saýdasy men zańsyz kóshi-qonnyń kórinisterine qarsy kúresti uiymdastyrýǵa septesedi. Sondai-aq quqyqtyq tártipti qamtamasyz etý, azamattardyń konstitýtsiialyq quqyqtary men bostandyqtaryn qorǵaýdyń ózge de ózekti máselelerin taldaýǵa bolady.
➡️ Qazaqstanǵa soǵystan bas saýǵalap qashyp kelgen iakýt ánshisi Pýtindi soiyp saldy... Tolyq aqparat siltemede:
https://t.me/dalainside/1280
https://dalanews.kz/aimak/88328-turkistan-oblysynda-soltustik-ongirl
https://dalanews.kz/del-qazir/88294-biz-manggurt-ekenbiz-qazaqstanga-qash
https://dalanews.kz/suranys/88289-alemde-ayes-salu-qaytadan-qarqyn-aldy
