Qazaqstanda esirtkiniń zańsyz ainalymyna qarsy "Qarasora-2026" respýblikalyq jedel profilaktikalyq is-sharasy bastaldy, dep habarlaidy dalanews.kz.
Operatsiia aiasynda quqyq qorǵaý organdary quramynda esirtki bar ósimdikterdiń zańsyz egistikterin, olardyń tabiǵi ósý oshaqtaryn jáne arnaiy plantatsiialardy anyqtap, joiady. Sonymen qatar, esirtki daiyndaý, tasymaldaý jáne satýmen ainalysatyn qylmystyq toptardyń jolyn kesýge, esirtki tasymaly arnalaryna tosqaýyl qoiýǵa basymdyq beriledi.
Operatsiiaǵa politsiia qyzmetkerleri, IIM Ulttyq ulany, Qorǵanys ministrliginiń kúshteri jáne jergilikti atqarýshy organdar tartylady.
Is-shara barysynda reidter, jedel izdestirý jumystary, áýeden baqylaý, aýyl sharýashylyǵy alqaptaryn tekserý jáne aýmaqtardy zamanaýi tsifrlyq tehnologiialardyń kómegimen zerdeleý jumystary júrgiziledi.
