Qazaqstanda para berýge ýáde etkeni úshin qylmystyq jaýapkershilik engizildi, dep habarlaidy dalanews.kz.
Tiisti zańǵa prezident Qasym-Jomart Toqaev qol qoidy. Jańa túzetýlerge sáikes:
- memlekettik qyzmetshiler men olarǵa teńestirilgen tulǵalarǵa qyzmettik ókilettikterin jeke múddesi úshin paidalanýǵa tyiym salynady;
- týystar men ózara bailanysty adamdardyń birge qyzmet atqarýyna qoiylatyn shekteýler kúsheitiledi – endi bir vedomstvoda basshynyń jienderi, qaiyn inileri, jekjattary, qainylary men kúieý balalarynyń jumys isteýine tyiym salynady;
- sybailas jemqorlyqqa qarsy shekteýler qoldanylatyn tulǵalar sheńberi keńeitiledi;
- para alý men berýge ǵana emes, para berýge ýáde etý, usyný nemese talap etý áreketteri úshin de qylmystyq jaýapkershilik engiziledi;
- memlekettik uiymdar men kvazimemlekettik sektorda zańsyz syiaqy alǵany úshin jaýapkershilik kúsheitiledi;
- jeke tulǵalarǵa qatysty ákimshilik sybailas jemqorlyq quqyq buzýshylyqtary boiynsha talap qoiý merzimi 1 jyldan 3 jylǵa deiin uzartylady.
