Qazaqstanda alǵash ret pedagog-proforientator laýazymy resmi túrde engizildi, – dep habarlaidy Dalanews.kz.
Elimizdiń orta bilim berý uiymdarynda pedagog-kásiptik baǵdar berýshi laýazymy resmi túrde bekitildi. Bul bastama oqýshylarǵa mamandyq tańdaýda erte baǵyt-baǵdar berýge, sondai-aq, oqýshylar, ata-analar, pedagogter, kolledjder men jumys berýshiler arasyndaǵy ózara bailanys pen yntymaqtastyqtyń tiimdiligin arttyrýǵa baǵyttalǵan.
Pedagog-kásiptik baǵdar berýshiniń negizgi mindetteri:
- Oqýshylarǵa mamandyq pen bilim baǵytyn tańdaýda qoldaý kórsetý;
- Jeke jáne toptyq kásibi keńes berý;
- Kásiptik baǵdar berýge arnalǵan is-sharalardy uiymdastyrý;
- Jumyspen qamtý ortalyqtarymen, kolledjdermen jáne kásiporyndarmen bailanys ornatý;
- Oqýshylarǵa eńbek naryǵyndaǵy suranysqa ie mamandyqtar men zamanaýi úrdister týraly aqparat berý.
"Jańa laýazym engizilýi oqýshylardyń sanaly ári durys kásiptik tańdaý jasaýyna kómektesedi, jumysshy mamandyqtarynyń bedelin arttyryp, eńbekke beiim, bilikti jáne básekege qabiletti urpaq tárbieleýge yqpal etedi", - dep jazylǵan habarlamada.
