قازاقستاندا العاش رەت پەداگوگ-پروفوريەنتاتور لاۋازىمى رەسمي تۇردە ەنگىزىلدى، – دەپ حابارلايدى Dalanews.kz.
ەلىمىزدىڭ ورتا ءبىلىم بەرۋ ۇيىمدارىندا پەداگوگ-كاسىپتىك باعدار بەرۋشى لاۋازىمى رەسمي تۇردە بەكىتىلدى. بۇل باستاما وقۋشىلارعا ماماندىق تاڭداۋدا ەرتە باعىت-باعدار بەرۋگە، سونداي-اق، وقۋشىلار، اتا-انالار، پەداگوگتەر، كوللەدجدەر مەن جۇمىس بەرۋشىلەر اراسىنداعى ءوزارا بايلانىس پەن ىنتىماقتاستىقتىڭ تيىمدىلىگىن ارتتىرۋعا باعىتتالعان.
پەداگوگ-كاسىپتىك باعدار بەرۋشىنىڭ نەگىزگى مىندەتتەرى:
- وقۋشىلارعا ماماندىق پەن ءبىلىم باعىتىن تاڭداۋدا قولداۋ كورسەتۋ؛
- جەكە جانە توپتىق كاسىبي كەڭەس بەرۋ؛
- كاسىپتىك باعدار بەرۋگە ارنالعان ءىس-شارالاردى ۇيىمداستىرۋ؛
- جۇمىسپەن قامتۋ ورتالىقتارىمەن، كوللەدجدەرمەن جانە كاسىپورىندارمەن بايلانىس ورناتۋ؛
- وقۋشىلارعا ەڭبەك نارىعىنداعى سۇرانىسقا يە ماماندىقتار مەن زاماناۋي ۇردىستەر تۋرالى اقپارات بەرۋ.
"جاڭا لاۋازىم ەنگىزىلۋى وقۋشىلاردىڭ سانالى ءارى دۇرىس كاسىپتىك تاڭداۋ جاساۋىنا كومەكتەسەدى، جۇمىسشى ماماندىقتارىنىڭ بەدەلىن ارتتىرىپ، ەڭبەككە بەيىم، بىلىكتى جانە باسەكەگە قابىلەتتى ۇرپاق تاربيەلەۋگە ىقپال ەتەدى"، - دەپ جازىلعان حابارلامادا.
