Qazaqstanda nesie berý qaǵidalaryn qatańdatý týraly jospar júzege aspaidy. Ulttyq bank buǵan deiin usynylǵan birqatar ózgeristerdi engizýden bas tartty, dep habarlaidy dalanews.kz.
Atap aitqanda, retteýshi qaryz alýshynyń jalpy bereshegi onyń segiz jyldyq tabysynan aspaýyn kózdeitin jańa qaryz ben tabys araqatynasy koeffitsientin engizbeitin boldy.
Sondai-aq, tólem merzimin ótkizip alǵan azamattar úshin boryshtyq júkteme koeffitsientin tómendetý týraly bastama da kúshin joidy.
Degenmen ipotekalyq nesieleý salasynda ózgerister engiziledi. 2027 jyldyń 1 qańtarynan bastap ipotekanyń jyldyq tiimdi syiaqy mólsherlemesiniń eń joǵary shegi bastapqy jarnanyń kólemine bailanysty belgilenedi.
Eger bastapqy jarna turǵyn úi qunynyń keminde 30%-yn qurasa, onda jyldyq tiimdi syiaqy mólsherlemesi 20%-dan aspaidy. Al bastapqy jarna 30%-dan az bolǵan jaǵdaida eń joǵary mólsherleme 25%-ǵa deiin jetýi múmkin.
Osylaisha, Qazaqstanda nesie berý talaptary jalpy alǵanda qatańdatylmaidy. Alaida ipotekalyq nesielerdiń sharttary bastapqy jarna mólsherine qarai saralanyp belgilenetin bolady.
