Biylǵy jyldyń alǵashqy jartyjyldyǵynda Qazaqstanda negizgi kapitalǵa salynǵan investitsiia kólemi 9,5 trln teńgeni qurady. Bul ótken jyldyń qańtar–maýsym ailarymen salystyrǵanda 9,6%-ǵa joǵary, dep habarlaidy dalanews.kz.
Investitsiianyń basym bóligi, iaǵni 61,3%-y ǵimarattar men qurylystardy salý jáne kúrdeli jóndeý jumystaryna baǵyttaldy. Al 34,3%-y mashinalar, jabdyqtar men kólik quraldaryn satyp alýǵa jumsalǵan.
Qarjylandyrý kózderine kelsek, investitsiianyń 68,8%-y kásipkerlik sýbektileriniń óz qarajaty esebinen júzege asyrylǵan. 13,4%-y biýdjet qarajaty bolsa, 5,2%-y bankterdiń nesieleri arqyly qarjylandyrylǵan.
Óńirler arasynda negizgi kapitalǵa salynǵan investitsiialardyń naqty kólem indeksi eń joǵary ósim Ulytaý oblysynda tirkelip, kórsetkish eki esege artqan. Sondai-aq Jambyl oblysynda ósim 59,6%, Túrkistan oblysynda 44,4%, Abai oblysynda 23,2%, Batys Qazaqstan oblysynda 23%, al Almaty oblysynda 18,5% bolǵan.
Al investitsiia kóleminiń tómendeýi Jetisý oblysynda (21,6%-ǵa), Shymkent qalasynda (20%-ǵa), Qaraǵandy oblysynda (10,3%-ǵa) jáne Soltústik Qazaqstan oblysynda (3,2%-ǵa) baiqaldy.
