بيىلعى جىلدىڭ العاشقى جارتىجىلدىعىندا قازاقستاندا نەگٸزگٸ كاپيتالعا سالىنعان ينۆەستيتسييا كٶلەمٸ 9,5 ترلن تەڭگەنٸ قۇرادى. بۇل ٶتكەن جىلدىڭ قاڭتار–ماۋسىم ايلارىمەن سالىستىرعاندا 9,6%-عا جوعارى, دەپ حابارلايدى dalanews.kz.
ينۆەستيتسييانىڭ باسىم بٶلٸگٸ, ياعني 61,3%-ى عيماراتتار مەن قۇرىلىستاردى سالۋ جەنە كٷردەلٸ جٶندەۋ جۇمىستارىنا باعىتتالدى. ال 34,3%-ى ماشينالار, جابدىقتار مەن كٶلٸك قۇرالدارىن ساتىپ الۋعا جۇمسالعان.
قارجىلاندىرۋ كٶزدەرٸنە كەلسەك, ينۆەستيتسييانىڭ 68,8%-ى كەسٸپكەرلٸك سۋبەكتٸلەرٸنٸڭ ٶز قاراجاتى ەسەبٸنەن جٷزەگە اسىرىلعان. 13,4%-ى بيۋدجەت قاراجاتى بولسا, 5,2%-ى بانكتەردٸڭ نەسيەلەرٸ ارقىلى قارجىلاندىرىلعان.
ٶڭٸرلەر اراسىندا نەگٸزگٸ كاپيتالعا سالىنعان ينۆەستيتسييالاردىڭ ناقتى كٶلەم يندەكسٸ ەڭ جوعارى ٶسٸم ۇلىتاۋ وبلىسىندا تٸركەلٸپ, كٶرسەتكٸش ەكٸ ەسەگە ارتقان. سونداي-اق جامبىل وبلىسىندا ٶسٸم 59,6%, تٷركٸستان وبلىسىندا 44,4%, اباي وبلىسىندا 23,2%, باتىس قازاقستان وبلىسىندا 23%, ال الماتى وبلىسىندا 18,5% بولعان.
ال ينۆەستيتسييا كٶلەمٸنٸڭ تٶمەندەۋٸ جەتٸسۋ وبلىسىندا (21,6%-عا), شىمكەنت قالاسىندا (20%-عا), قاراعاندى وبلىسىندا (10,3%-عا) جەنە سولتٷستٸك قازاقستان وبلىسىندا (3,2%-عا) بايقالدى.
