2025 jyldyń II toqsan qorytyndysy boiynsha, kásipkerlik qyzmetpen ainalysatyn shaǵyn kásiporyndardy sanamaǵanda bir jumysshyǵa shaqqandaǵy ortasha ailyq jalaqy 448,6 myń teńge boldy. 2024 jyldyń osy kezeńimen salystyrǵanda bul kórsetkish nominaldy túrde 11,3% ósti. Alaida naqty máninde, iaǵni infliatsiiany eskersek, ózgeris joq, dep habarlaidy Dalanews.kz DATA HUB-ke silteme jasap.
Birinshi nesielik biýronyń málimetinshe, buǵan deiin qatarynan infliatsiia boiynsha segiz toqsan boiy ósim baiqalǵan edi.
"Naqty jalaqynyń aldyńǵy jyldyń sol toqsanymen salystyrǵanda bir deńgeide qalýy 2015 jyldyń basynan bastap júrgizilgen baqylaýlar tarihynda alǵash ret tirkelip otyr. Jalpy, bul kórsetkishtiń ádettegi jyldyq dinamikasy — ósim. Sońǵy 7,5 jyl ishinde tómendeý tek eki ret bolǵan, eń sońǵysy – 2023 jyldyń I toqsanynda (-0,6% jyldyq kórsetkish). Sáikesinshe, sáýir–maýsym ailarynda naqty jalaqynyń jyldyq ósimi toqtady. Jalpy kartinany tolyqtyrsaq: osy segiz toqsandyq ósim kezeńinde qarqyn onsha joǵary bolmady — orta eseppen +2,5%", - deidi sarapshylar.
DATA HUB jalpy kórsetkishti eń kóp tómendetken qurylys salasy boldy, munda naqty jalaqy bir jylda birden 10,8% qysqardy (qazirgi nominaldy máni – 490,2 myń teńge). Qurylystan bólek, infliatsiiany eskergendegi jalaqy taǵy alty salada azaidy, sonyń ishinde bilim berý men densaýlyq saqtaý salalarynda – ekeýinde de 3,1% (tiisinshe 373,8 myń teńge jáne 339,6 myń teńge).
Buǵan deiin 1 tamyzdaǵy jaǵdai boiynsha elimizde myńdaǵan qazaqstandyq 1,3 mlrd teńge jalaqysyn ala almai júrgenin jazǵanbyz.
