Qazaqstanda onynshy ret ótken elektrondy aýktsionda alty munai jáne gaz ken orny satylymǵa shyǵaryldy. Aýktsion nátijesinde quqyqty jeńip alǵan kompaniialardyń basym bóligi Qytaiǵa tiesili, dep habarlaidy Dalanews.kz.
1. Qiǵash ýchaskesi (Atyraý oblysy)
Qiǵash ýchaskesin barlaý quqyǵyn Pro Explore Mining Co., Ltd kompaniiasy ielendi. Kompaniianyń negizin qalaýshy – Ian Chenvei. Indýstriia ministrliginiń málimetinshe, kompaniia eki uńǵyma burǵylap, seismikalyq zertteý júrgizýge mindetteldi. Jobanyń jalpy quny – 9 million dollar.
2. Bestaqyr ýchaskesi (Ulytaý oblysy)
Bul ýchaskege Sozak Oil and Gas kompaniiasy ie boldy. 2007 jyldan beri Qazaqstannyń birneshe óńirinde munai men gaz barlaýmen ainalysyp kele jatqan kompaniianyń quryltaishylary qytailyq aktsionerler: Sino-Science Netherlands Petroleum, Shenzhen Andachang Industrial Co., Ltd jáne basqalary. Jumystyń boljamdy quny – 7 million dollar.
3. Aznagúl ýchaskesi (Atyraý oblysy)
Bul ýchaskeni barlaý jáne óndirý quqyǵy Astana Guangming Mining Co., Ltd kompaniiasyna berildi. Kompaniianyń negizin qalaýshy – singapýrlyq Jiuyuan Trading SG Pte. Ltd. Jobanyń quny – 6 million dollar.
4. Jarqamys Batys II ýchaskesi (Aqtóbe oblysy)
Atalǵan ýchaskeni HarmonyOre Mining Co., Ltd kompaniiasy jeńip aldy. Kompaniianyń jetekshisi – Iýn Iýn Sýn, ol sonymen birge Qazaqstanda tirkelgen birneshe basqa kompaniialardy basqarady. Bul jobanyń quny 9 million dollarǵa baǵalanǵan.
5. Qulsary ýchaskesi (Atyraý oblysy)
Kazakhstan Zhonghengyongsheng Energy Co., Ltd kompaniiasy Qulsary ýchaskesin barlaý quqyǵyna ie boldy. Onyń quryltaishysy – singapýrlyq Weiye Trading SG Pte Ltd. Bul jobanyń quny 3 million dollardy quraidy.
6. Shyńǵys-Telsý ýchaskesi (Batys Qazaqstan jáne Aqtóbe oblystary)
Bul ýchaskeni RV-Oil&Gas kompaniiasy jeńip aldy. Kompaniianyń iesi – Farýh Abdýhalilov. Buryn munai-gaz barlaýmen ainalyspaǵan bul kompaniianyń negizgi qyzmeti – otyn satý. Ýchaskedegi barlaý jumystarynyń quny – 4 million dollar.
Elektrondy aýktsion nátijesinde munai-gaz ken oryndarynyń basym bóligin sheteldik kompaniialar ielendi. Jobalardyń jalpy quny ondaǵan million dollarmen esepteledi, al barlaý jumystary jaqyn arada bastalady dep kútilýde.
