قازاقستاندا ونىنشى رەت ٶتكەن ەلەكتروندى اۋكتسيوندا التى مۇناي جەنە گاز كەن ورنى ساتىلىمعا شىعارىلدى. اۋكتسيون نەتيجەسٸندە قۇقىقتى جەڭٸپ العان كومپانييالاردىڭ باسىم بٶلٸگٸ قىتايعا تيەسٸلٸ, دەپ حابارلايدى Dalanews.kz.
1. قيعاش ۋچاسكەسٸ (اتىراۋ وبلىسى)
قيعاش ۋچاسكەسٸن بارلاۋ قۇقىعىن Pro Explore Mining Co., Ltd كومپانيياسى يەلەندٸ. كومپانييانىڭ نەگٸزٸن قالاۋشى – يان چەنۆەي. يندۋسترييا مينيسترلٸگٸنٸڭ مەلٸمەتٸنشە, كومپانييا ەكٸ ۇڭعىما بۇرعىلاپ, سەيسميكالىق زەرتتەۋ جٷرگٸزۋگە مٸندەتتەلدٸ. جوبانىڭ جالپى قۇنى – 9 ميلليون دوللار.
2. بەستاقىر ۋچاسكەسٸ (ۇلىتاۋ وبلىسى)
بۇل ۋچاسكەگە Sozak Oil and Gas كومپانيياسى يە بولدى. 2007 جىلدان بەرٸ قازاقستاننىڭ بٸرنەشە ٶڭٸرٸندە مۇناي مەن گاز بارلاۋمەن اينالىسىپ كەلە جاتقان كومپانييانىڭ قۇرىلتايشىلارى قىتايلىق اكتسيونەرلەر: Sino-Science Netherlands Petroleum, Shenzhen Andachang Industrial Co., Ltd جەنە باسقالارى. جۇمىستىڭ بولجامدى قۇنى – 7 ميلليون دوللار.
3. ازناگٷل ۋچاسكەسٸ (اتىراۋ وبلىسى)
بۇل ۋچاسكەنٸ بارلاۋ جەنە ٶندٸرۋ قۇقىعى Astana Guangming Mining Co., Ltd كومپانيياسىنا بەرٸلدٸ. كومپانييانىڭ نەگٸزٸن قالاۋشى – سينگاپۋرلىق Jiuyuan Trading SG Pte. Ltd. جوبانىڭ قۇنى – 6 ميلليون دوللار.
4. جارقامىس باتىس II ۋچاسكەسٸ (اقتٶبە وبلىسى)
اتالعان ۋچاسكەنٸ HarmonyOre Mining Co., Ltd كومپانيياسى جەڭٸپ الدى. كومپانييانىڭ جەتەكشٸسٸ – يۋن يۋن سۋن, ول سونىمەن بٸرگە قازاقستاندا تٸركەلگەن بٸرنەشە باسقا كومپانييالاردى باسقارادى. بۇل جوبانىڭ قۇنى 9 ميلليون دوللارعا باعالانعان.
5. قۇلسارى ۋچاسكەسٸ (اتىراۋ وبلىسى)
Kazakhstan Zhonghengyongsheng Energy Co., Ltd كومپانيياسى قۇلسارى ۋچاسكەسٸن بارلاۋ قۇقىعىنا يە بولدى. ونىڭ قۇرىلتايشىسى – سينگاپۋرلىق Weiye Trading SG Pte Ltd. بۇل جوبانىڭ قۇنى 3 ميلليون دوللاردى قۇرايدى.
6. شىڭعىس-تەلسۋ ۋچاسكەسٸ (باتىس قازاقستان جەنە اقتٶبە وبلىستارى)
بۇل ۋچاسكەنٸ RV-Oil&Gas كومپانيياسى جەڭٸپ الدى. كومپانييانىڭ يەسٸ – فارۋح ابدۋحاليلوۆ. بۇرىن مۇناي-گاز بارلاۋمەن اينالىسپاعان بۇل كومپانييانىڭ نەگٸزگٸ قىزمەتٸ – وتىن ساتۋ. ۋچاسكەدەگٸ بارلاۋ جۇمىستارىنىڭ قۇنى – 4 ميلليون دوللار.
ەلەكتروندى اۋكتسيون نەتيجەسٸندە مۇناي-گاز كەن ورىندارىنىڭ باسىم بٶلٸگٸن شەتەلدٸك كومپانييالار يەلەندٸ. جوبالاردىڭ جالپى قۇنى ونداعان ميلليون دوللارمەن ەسەپتەلەدٸ, ال بارلاۋ جۇمىستارى جاقىن ارادا باستالادى دەپ كٷتٸلۋدە.
