كاسپيي تەڭٸزٸندەگٸ ەسكەري جاتتىعۋ كەزٸندە قازا تاپقان جەنە امان قالعان ەسكەري قىزمەتشٸلەردٸڭ جاقىندارىنا قازاقستان اۋماعىنداعى ەۋە رەيستەرٸنە تەگٸن بيلەتتەر بەرٸلەدٸ. مۇنداي مٷمكٸندٸك وقيعادان امان قالعان ساربازداردىڭ ٶزدەرٸنە دە قاراستىرىلعان. بۇل تۋرالى Air Astana ەۋە كومپانيياسى مەلٸمدەدٸ, دەپ حابارلايدى dalanews.kz.
تەگٸن ۇشۋ مٷمكٸندٸگٸ 25 قىركٷيەك پەن 3 قازان ارالىعىنداعى بارلىق ٸشكٸ باعىتتارعا قولدانىلادى. ونى ەسكەري قىزمەتشٸلەردٸڭ اتا-اناسى, جۇبايى, بالالارى, تۋعان باۋىرلارى پايدالانا الادى.
بيلەت رەسٸمدەۋ كەزٸندە تۋىستىق بايلانىستى راستايتىن قۇجاتتاردى كٶرسەتۋ قاجەت. ٶتٸنٸم بەرۋ ٷشٸن Air Astana نەمەسە FlyArystan ەۋە كومپانييالارىنىڭ ساتۋ كەڭسەلەرٸنە بارۋعا بولادى. سونداي-اق تاسىمالداۋشىلاردىڭ رەسمي سايتتارىندا كٶرسەتٸلگەن بايلانىس ارنالارى ارقىلى حابارلاسۋعا مٷمكٸندٸك بار.
