Birneshe jyl buryn Qazaqstandaǵy kriptovaliýta týraly áńgime negizinen eki taqyryptyń tóńireginde órbitin. Sala mamandary arzan elektr energiiasy, data-ortalyqtar jáne eldiń álemdik heshreittegi úlesi týraly sóz qozǵasa, kópshilik kóbine Bitcoin baǵasynyń jańa rekordtaryn talqylaityn, dep habarlaidy dalanews.kz.
Alaida 2026 jyly jaǵdai túbegeili ózgerdi. Sońǵy jyldary Qazaqstanda kriptoindýstriiany retteý júiesi qalyptasyp, azamattar zańdy ári retteletin qyzmetterdi belsendi paidalana bastady.
Resmi derekterge sáikes, 2025 jyly litsenziialanǵan kriptobirjalardaǵy saýda ainalymy 2023 jylmen salystyrǵanda 30 eseden astam ósip, 10,5 mlrd dollardan asty. Al paidalanýshylar sany osy kezeńde tórt eseden kóp artyp, 215 myń adamǵa jetken.
Maining salasynda da ósim baiqalady. Ótken jyly qazaqstandyq maining-pýldar arqyly shamamen 3,6 myń BTC óndirilgen. Bul – 2023 jylǵy kórsetkishten tórt ese joǵary.
Sarapshylardyń aitýynsha, kriptoindýstriiadan túsken qarajat el ekonomikasyna naqty paida ákelip jatyr.
Birinshiden, kriptoindýstriiadan biýdjetke túsetin túsimder aitarlyqtai ósti. Eger 2023 jyly bul kórsetkish 9 mlrd teńge bolsa, 2025 jyly 22,4 mlrd teńgege jetken.
Ekinshiden, Qazaqstanda strategiialyq maining tetigi iske qosyldy. Bul model boiynsha jeke investorlar jabdyqtar men data-ortalyqtardyń qurylysyn qarjylandyrady, elektr energiiasyn tikelei elektr stantsiialarynan satyp alady jáne óndirilgen tsifrlyq aktivterdiń 10 paiyzyn memlekettik kriptorezervke aýdarady. Qýaty 90 megavatt bolatyn alǵashqy joba iske qosylyp úlgerdi. Onyń jeti jyl ishindegi ekonomikalyq áseri 156 mln dollarǵa baǵalanyp otyr.
Úshinshiden, kriptovaliýtalar birjalar sheńberinen shyǵyp, kúndelikti tólem júiesiniń bir bóligine ainala bastady. Qazirgi tańda Qazaqstan boiynsha 5 myńnan astam saýda núktesinde taýarlar men qyzmetterdiń aqysyn QR-kod arqyly tsifrlyq aktivtermen tóleýge múmkindik bar. Mundai júiede satyp alýshy kriptovaliýtamen esep aiyryssa, satýshy qarajatty teńgemen alady.
Osylaisha, Qazaqstan qysqa ýaqyt ishinde kriptovaliýtany tek óndirýmen shektelmei, ony zamanaýi qarjy infraqurylymyna engizý kezeńine ótti. Elde jańa kriptokompaniialar qurylyp, sheteldik oiynshylar kelýde. Sonymen qatar tólem infraqurylymy, jańa qarjy ónimderi, investitsiialar men servister damyp keledi. Sarapshylardyń pikirinshe, bul úrdis Qazaqstannyń jahandyq qarjy naryǵyndaǵy pozitsiiasyn kúsheitýge múmkindik beredi.
