بٸرنەشە جىل بۇرىن قازاقستانداعى كريپتوۆاليۋتا تۋرالى ەڭگٸمە نەگٸزٸنەن ەكٸ تاقىرىپتىڭ تٶڭٸرەگٸندە ٶربيتٸن. سالا ماماندارى ارزان ەلەكتر ەنەرگيياسى, داتا-ورتالىقتار جەنە ەلدٸڭ ەلەمدٸك حەشرەيتتەگٸ ٷلەسٸ تۋرالى سٶز قوزعاسا, كٶپشٸلٸك كٶبٸنە Bitcoin باعاسىنىڭ جاڭا رەكوردتارىن تالقىلايتىن, دەپ حابارلايدى dalanews.kz.
الايدا 2026 جىلى جاعداي تٷبەگەيلٸ ٶزگەردٸ. سوڭعى جىلدارى قازاقستاندا كريپتويندۋسترييانى رەتتەۋ جٷيەسٸ قالىپتاسىپ, ازاماتتار زاڭدى ەرٸ رەتتەلەتٸن قىزمەتتەردٸ بەلسەندٸ پايدالانا باستادى.
رەسمي دەرەكتەرگە سەيكەس, 2025 جىلى ليتسەنزييالانعان كريپتوبيرجالارداعى ساۋدا اينالىمى 2023 جىلمەن سالىستىرعاندا 30 ەسەدەن استام ٶسٸپ, 10,5 ملرد دوللاردان استى. ال پايدالانۋشىلار سانى وسى كەزەڭدە تٶرت ەسەدەن كٶپ ارتىپ, 215 مىڭ ادامعا جەتكەن.
ماينينگ سالاسىندا دا ٶسٸم بايقالادى. ٶتكەن جىلى قازاقستاندىق ماينينگ-پۋلدار ارقىلى شامامەن 3,6 مىڭ BTC ٶندٸرٸلگەن. بۇل – 2023 جىلعى كٶرسەتكٸشتەن تٶرت ەسە جوعارى.
ساراپشىلاردىڭ ايتۋىنشا, كريپتويندۋسترييادان تٷسكەن قاراجات ەل ەكونوميكاسىنا ناقتى پايدا ەكەلٸپ جاتىر.
بٸرٸنشٸدەن, كريپتويندۋسترييادان بيۋدجەتكە تٷسەتٸن تٷسٸمدەر ايتارلىقتاي ٶستٸ. ەگەر 2023 جىلى بۇل كٶرسەتكٸش 9 ملرد تەڭگە بولسا, 2025 جىلى 22,4 ملرد تەڭگەگە جەتكەن.
ەكٸنشٸدەن, قازاقستاندا ستراتەگييالىق ماينينگ تەتٸگٸ ٸسكە قوسىلدى. بۇل مودەل بويىنشا جەكە ينۆەستورلار جابدىقتار مەن داتا-ورتالىقتاردىڭ قۇرىلىسىن قارجىلاندىرادى, ەلەكتر ەنەرگيياسىن تٸكەلەي ەلەكتر ستانتسييالارىنان ساتىپ الادى جەنە ٶندٸرٸلگەن تسيفرلىق اكتيۆتەردٸڭ 10 پايىزىن مەملەكەتتٸك كريپتورەزەرۆكە اۋدارادى. قۋاتى 90 مەگاۆاتت بولاتىن العاشقى جوبا ٸسكە قوسىلىپ ٷلگەردٸ. ونىڭ جەتٸ جىل ٸشٸندەگٸ ەكونوميكالىق ەسەرٸ 156 ملن دوللارعا باعالانىپ وتىر.
ٷشٸنشٸدەن, كريپتوۆاليۋتالار بيرجالار شەڭبەرٸنەن شىعىپ, كٷندەلٸكتٸ تٶلەم جٷيەسٸنٸڭ بٸر بٶلٸگٸنە اينالا باستادى. قازٸرگٸ تاڭدا قازاقستان بويىنشا 5 مىڭنان استام ساۋدا نٷكتەسٸندە تاۋارلار مەن قىزمەتتەردٸڭ اقىسىن QR-كود ارقىلى تسيفرلىق اكتيۆتەرمەن تٶلەۋگە مٷمكٸندٸك بار. مۇنداي جٷيەدە ساتىپ الۋشى كريپتوۆاليۋتامەن ەسەپ ايىرىسسا, ساتۋشى قاراجاتتى تەڭگەمەن الادى.
وسىلايشا, قازاقستان قىسقا ۋاقىت ٸشٸندە كريپتوۆاليۋتانى تەك ٶندٸرۋمەن شەكتەلمەي, ونى زاماناۋي قارجى ينفراقۇرىلىمىنا ەنگٸزۋ كەزەڭٸنە ٶتتٸ. ەلدە جاڭا كريپتوكومپانييالار قۇرىلىپ, شەتەلدٸك ويىنشىلار كەلۋدە. سونىمەن قاتار تٶلەم ينفراقۇرىلىمى, جاڭا قارجى ٶنٸمدەرٸ, ينۆەستيتسييالار مەن سەرۆيستەر دامىپ كەلەدٸ. ساراپشىلاردىڭ پٸكٸرٸنشە, بۇل ٷردٸس قازاقستاننىڭ جاھاندىق قارجى نارىعىنداعى پوزيتسيياسىن كٷشەيتۋگە مٷمكٸندٸك بەرەدٸ.
