Bul týraly QR Densaýlyq saqtaý ministri Aleksei Tsoi málim etti.
Koronavirýs pen pnevmoniia jaǵdailary boiynsha derekterdiń meilinshe ashyq bolýyn qamtamasyz etý úshin Densaýlyq saqtaý ministrligi statistika júrgizýdiń jańa ádisterin qabyldaidy.
DDSU Eýropalyq óńirlik biýrosymen tehnikalyq keńes júrgizip, COVID-19 jaǵdailaryn aýrýdy klassifikatsiialaýdyń jańa halyqaralyq kodtary boiynsha tirkeýge kóshý týraly sheshim qabyldandy. Osylaisha, COVID-19-dyń zerthanalyq rastalǵan jaǵdailary PTsR-testi teris bolǵan, biraq COVID-19-dyń klnikalyq jáne epidemiialyq belgileri bar pnevmoniia jaǵdailarymen biriktiriledi, - dep atap ótti ol.
COVID-19 kodtalýyna jańa kodtardy paidalana otyryp, aýrýdyń halyqaralyq jiktelýine tolyq kóshý 1 tamyzdan bastap júzege asyrylady.
«Jańa statistikany júrgizý úshin COVID-19 aýrýyn kodtaý turǵysynda meditsinalyq qyzmetkerlerdiń quzyretin arttyryp, aqparattyq júielerdi rettep, basqa da tehnikalyq máselelerdi retteý kerek bolady.
Sonymen qatar, Densaýlyq saqtaý ministrligi esep júrgizýdegi ózgeris Qazaqstannyń koronavirýs infektsiiasyn juqtyrý men ólim-jitim boiynsha halyqaralyq reitingtegi pozitsiiasyna jaman áser etetinin túsinip otyr.
Alaida, bul ádis aýrý jaǵdaiyna durys boljam jasaýǵa, qoldaǵy resýrsty, onyń ishinde meditsinalyq kadrlardy, tósek-oryndy, qurylǵylardy, dári-dármekti oily josparlaýǵa, statistikany ashyq júrgizýge múmkindik beredi», - dedi Aleksei Tsoi OKQ-da ótken baspasóz máslihatynda.
Munyń aldynda prezident Toqaev pandemiia týraly elge shynaiy aqparat jetkizý kerektigin aitqan.
"Pandemiia ahýaly týraly barlyq aqparat qansha jerden ashy bolsa da, ony qoǵam bilýge tiis. Jariialylyq pen ózara senim bolǵanda ǵana, biz birlese otyryp bul indetti tezirek jeńemiz", – dep jazdy Toqaev Tvitterde.
