Qazaqstanda keıingi bes jylda 18 jasqa tolmaǵan 12 myńǵa jýyq qyz bala júkti bolǵan. Bul týraly QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıa tóraǵasynyń orynbasary Juldyzaı Ysqaqova málimdedi, dep habarlaıdy Dalanews.kz.
Ysqaqova atap ótkendeı, jasóspirimder arasynda reprodýktıvti densaýlyq týraly jaýapkershilik mádenıetin qalyptastyrýǵa arnalǵan sharalar júıeli túrde júrgizilip jatyr. Bul jumysqa memlekettik organdar, bilim berý jáne medısınalyq mekemeler, sondaı-aq úkimettik emes uıymdar men halyqaralyq seriktester atsalysýda.
"Bul baǵytta memlekettik organdar, medısınalyq jáne bilim berý mekemeleri, úkimettik emes uıymdar men halyqaralyq seriktester birlesip jumys isteýde. Alaıda, jaýapkershilikti tek mektepterge nemese ata-analarǵa artyp qoıý durys emes. Halyqtyń densaýlyǵy — bul barshaǵa ortaq jaýapkershilik, ol ulttyq ıgilikke negiz bolarlyq mańyzdy másele", — dep atap ótti ol OKQ alańynda.
Budan bólek, Juldyzaı Ysqaqova jastar arasynda AITV týraly aqparattyń jetkiliksiz ekendigin atap ótti.
"Sońǵy bes jylda elimizde 18 jasqa tolmaǵan 12 myńdaı qyz bala júkti bolyp qalǵan. 15 pen 19 jas aralyǵyndaǵy jasóspirimderdiń úshten biri jynystyq belsendi, alaıda UNFPA zertteýlerine súıensek, olardyń kópshiliginiń AITV men JITS týraly bilimi tómen", — dedi spıker.
