Senat depýtaty Nurtóre Júsip sońǵy bes jylda elimizde jasóspirim qyzdardyń erte júktilik kórsetkishi 1,5 esege artqanyn, ásirese Jambyl, Túrkistan jáne Mańǵystaý oblystaryndaerte bosaný jaǵdailary kóbeigenin málimdedi, dep habarlaidy Dalanews.kz.
Depýtat bul másele bilim berý jáne densaýlyq saqtaý salalarynyń jiti baqylaýyn qajet etetinin atap ótti.
“Erte ana ataný jas qyzdar men olardyń balalarynyń densaýlyǵyna aitarlyqtai ziian tigizedi. Bul olardyń bilim alýyna, tolyqqandy damýyna keri áser etedi. Sondyqtan da profilaktikalyq sharalardy kúsheitip, jastardyń habardarlyǵyn arttyrý qajet. Dárigerlik jáne psihologiialyq qyzmetterdiń qoljetimdiligin jaqsartý mańyzdy”, – dedi Nurtóre Júsip.
Onyń pikirinshe, bul máselege keshendi túrde qaraý kerek. Jasóspirimderdiń densaýlyǵy men bolashaǵyna qaýip tóndiretin faktorlardy azaitý úshin mektepterde tárbie jumystary kúsheitilip, aqparattyq-túsindirý sharalary júieli túrde júrgizilýi tiis.
