سەنات دەپۋتاتى نۇرتٶرە جٷسٸپ سوڭعى بەس جىلدا ەلٸمٸزدە جاسٶسپٸرٸم قىزداردىڭ ەرتە جٷكتٸلٸك كٶرسەتكٸشٸ 1,5 ەسەگە ارتقانىن, ەسٸرەسە جامبىل, تٷركٸستان جەنە ماڭعىستاۋ وبلىستارىنداەرتە بوسانۋ جاعدايلارى كٶبەيگەنٸن مەلٸمدەدٸ, دەپ حابارلايدى Dalanews.kz.
دەپۋتات بۇل مەسەلە بٸلٸم بەرۋ جەنە دەنساۋلىق ساقتاۋ سالالارىنىڭ جٸتٸ باقىلاۋىن قاجەت ەتەتٸنٸن اتاپ ٶتتٸ.
“ەرتە انا اتانۋ جاس قىزدار مەن ولاردىڭ بالالارىنىڭ دەنساۋلىعىنا ايتارلىقتاي زييان تيگٸزەدٸ. بۇل ولاردىڭ بٸلٸم الۋىنا, تولىققاندى دامۋىنا كەرٸ ەسەر ەتەدٸ. سوندىقتان دا پروفيلاكتيكالىق شارالاردى كٷشەيتٸپ, جاستاردىڭ حاباردارلىعىن ارتتىرۋ قاجەت. دەرٸگەرلٸك جەنە پسيحولوگييالىق قىزمەتتەردٸڭ قولجەتٸمدٸلٸگٸن جاقسارتۋ ماڭىزدى”, – دەدٸ نۇرتٶرە جٷسٸپ.
ونىڭ پٸكٸرٸنشە, بۇل مەسەلەگە كەشەندٸ تٷردە قاراۋ كەرەك. جاسٶسپٸرٸمدەردٸڭ دەنساۋلىعى مەن بولاشاعىنا قاۋٸپ تٶندٸرەتٸن فاكتورلاردى ازايتۋ ٷشٸن مەكتەپتەردە تەربيە جۇمىستارى كٷشەيتٸلٸپ, اقپاراتتىق-تٷسٸندٸرۋ شارالارى جٷيەلٸ تٷردە جٷرگٸزٸلۋٸ تيٸس.
