Qazaqstanda jańa Salyq kodeksine taǵy da túzetýler engizilýi múmkin. Bul aqparatty premer-ministrdiń orynbasary – ulttyq ekonomika ministri Serik Jumanǵarin Májilistegi brifingte rastady, dep habarlaidy Dalanews.kz.
Jýrnalister Úkimet janyndaǵy jobalyq keńse otyrystarynda Salyq kodeksine qatysty usynystar talqylanyp jatqanyn aityp, "bul ózgerister jańa qujatqa engizile me?" dep suraǵan.
Serik Jumanǵarinniń aitýynsha, barlyq usynys qaralyp jatyr. Belgili bir máseleler boiynsha jaýap berý merzimi 3, 5 nemese 10 kún bolyp belgilengen. Osy ýaqyt ishinde naqty jaýap berilmese, másele júieli sipatqa ie dep tanylyp, Salyq kodeksine ózgerister engizý jónindegi jumys tobynyń qaraýyna jiberiledi. Bul top jyl saiyn jumys isteidi.
Vitse-premerdiń sózinshe, engizilýi múmkin túzetýler jyl sońyna qarai belgili bolýy múmkin, al olardyń kúshine enýi kelesi jyldan bastalýy yqtimal. Keibir normalar boiynsha Biýdjet jáne Salyq kodeksteri arasynda sáikessizdikter anyqtalǵan.
Sonymen qatar, ol Salyq kodeksine engiziletin ózgerister ádette 1 qańtardan bastap kúshine enetinin aitty. Sondyqtan qabyldanatyn túzetýler de kelesi jyldyń 1 qańtarynan bastap qoldanysqa engiziledi.
Serik Jumanǵarin naqty qandai ózgerister qarastyrylyp jatqanyn ashyp aitpady, alaida qajet bolǵan jaǵdaida bul aqparatty jariialaýǵa daiyn ekenin jetkizdi.
