Qazaqstan e-commerce sektorynda aıtarlyqtaı ósim kórsetti. Sońǵy bes jylda elektrondy saýda kólemi jeti esege ulǵaıyp, 3,2 trln teńgege jetti, bul bólshek saýdanyń barlyq kóleminiń 14,1% qurady, dep habarlaıdy Dalanews.kz.

Sarapshylar 5 jyldan keıin Qazaqstanda árbir besinshi taýar onlaın satyp alynatynyn boljaıdy. Bul mlimetter men boljam Pákistan Islam Respýblıkasynda ótip jatqan "Elektrondy komersıa arqyly logıstıka men bızneske qol jetkizý" halyqaralyq samıti aıasynda aıtyldy.

"Qazaqstan e-commerce sektorynda aıtarlyqtaı ósim kórsetti. Sońǵy bes jylda elektrondy saýda kólemi jeti esege ulǵaıyp, 3,2 trln teńgege jetti, bul bólshek saýdanyń barlyq kóleminiń 14,1% quraıdy. Salanyń ári qaraı ósý áleýeti zor. Bizde joǵary sıfrlyq qoljetimdilik, damyǵan fınteh-ınfraqurylym jáne 8 mıllıonnan astam belsendi paıdalanýshylar, ıaǵnı jastar bar. Biz 5 jyldan keıin árbir besinshi satyp alý onlaın rejıminde júzege asyrylady dep josparlap otyrmyz. Ol úshin bıylǵy jyldyń naýryz aıynda elektrondy saýdany damytý jospary bekitildi. Basymdyqtardyń qatarynda zańnamany jetildirý, halyq úshin bilim berý bastamalaryn iske qosý, kásipkerler úshin qarjylyq qoldaý sharalaryn engizý jáne zamanaýı logıstıkalyq ınfraqurylymdy damytý bar", - deıdi QR Saýda jáne ıntegrasıa mınıstrliginiń elektrondyq jáne bırjalyq saýda departamentiniń dırektory Ǵalıa-Baný Meırbaeva.

Tutynýshylardyń quqyqtaryn qorǵaý jáne naryqtyń barlyq qatysýshylary úshin teń jaǵdaı jasaý máselelerine erekshe nazar aýdaryldy. Spıker óz sózinde Qazaqstannyń halyqaralyq alańdarda - DSU, BUU, SHYU, EAEO - transshekaralyq saýdany ońaılatý jáne qolaıly sıfrlyq orta qurý baǵytyndaǵy belsendi jumysyn atap ótti. Osy turǵyda QR Saýda jáne ıntegrasıa mınıstrligi men Pákistan IR Komersıa mınıstrligi arasyndaǵy elektrondyq saýda salasyndaǵy ózara túsinistik pen yntymaqtastyq týraly 2025 jylǵy sáýirde qol qoıylǵan memorandým erekshe atap ótildi, bul ekijaqty strategıalyq áriptestikti nyǵaıtýǵa jasalǵan mańyzdy qadam boldy.