قازاقستان e-commerce سەكتورىندا ايتارلىقتاي ءوسىم كورسەتتى. سوڭعى بەس جىلدا ەلەكتروندى ساۋدا كولەمى جەتى ەسەگە ۇلعايىپ، 3،2 ترلن تەڭگەگە جەتتى، بۇل بولشەك ساۋدانىڭ بارلىق كولەمىنىڭ 14،1% قۇرادى، دەپ حابارلايدى Dalanews.kz.
ساراپشىلار 5 جىلدان كەيىن قازاقستاندا ءاربىر بەسىنشى تاۋار ونلاين ساتىپ الىناتىنىن بولجايدى. بۇل ملىمەتتەر مەن بولجام پاكىستان يسلام رەسپۋبليكاسىندا ءوتىپ جاتقان "ەلەكتروندى كوممەرسيا ارقىلى لوگيستيكا مەن بيزنەسكە قول جەتكىزۋ" حالىقارالىق ءسامميتى اياسىندا ايتىلدى.
"قازاقستان e-commerce سەكتورىندا ايتارلىقتاي ءوسىم كورسەتتى. سوڭعى بەس جىلدا ەلەكتروندى ساۋدا كولەمى جەتى ەسەگە ۇلعايىپ، 3،2 ترلن تەڭگەگە جەتتى، بۇل بولشەك ساۋدانىڭ بارلىق كولەمىنىڭ 14،1% قۇرايدى. سالانىڭ ءارى قاراي ءوسۋ الەۋەتى زور. بىزدە جوعارى سيفرلىق قولجەتىمدىلىك، دامىعان فينتەح-ينفراقۇرىلىم جانە 8 ميلليوننان استام بەلسەندى پايدالانۋشىلار، ياعني جاستار بار. ءبىز 5 جىلدان كەيىن ءاربىر بەسىنشى ساتىپ الۋ ونلاين رەجيمىندە جۇزەگە اسىرىلادى دەپ جوسپارلاپ وتىرمىز. ول ءۇشىن بيىلعى جىلدىڭ ناۋرىز ايىندا ەلەكتروندى ساۋدانى دامىتۋ جوسپارى بەكىتىلدى. باسىمدىقتاردىڭ قاتارىندا زاڭنامانى جەتىلدىرۋ، حالىق ءۇشىن ءبىلىم بەرۋ باستامالارىن ىسكە قوسۋ، كاسىپكەرلەر ءۇشىن قارجىلىق قولداۋ شارالارىن ەنگىزۋ جانە زاماناۋي لوگيستيكالىق ينفراقۇرىلىمدى دامىتۋ بار"، - دەيدى ق ر ساۋدا جانە ينتەگراسيا مينيسترلىگىنىڭ ەلەكتروندىق جانە بيرجالىق ساۋدا دەپارتامەنتىنىڭ ديرەكتورى عاليا-بانۋ مەيربايەۆا.
تۇتىنۋشىلاردىڭ قۇقىقتارىن قورعاۋ جانە نارىقتىڭ بارلىق قاتىسۋشىلارى ءۇشىن تەڭ جاعداي جاساۋ ماسەلەلەرىنە ەرەكشە نازار اۋدارىلدى. سپيكەر ءوز سوزىندە قازاقستاننىڭ حالىقارالىق الاڭداردا - دسۇ، بۇۇ، شىۇ، ەاەو - ترانسشەكارالىق ساۋدانى وڭايلاتۋ جانە قولايلى سيفرلىق ورتا قۇرۋ باعىتىنداعى بەلسەندى جۇمىسىن اتاپ ءوتتى. وسى تۇرعىدا ق ر ساۋدا جانە ينتەگراسيا مينيسترلىگى مەن پاكىستان ير كوممەرسيا مينيسترلىگى اراسىنداعى ەلەكتروندىق ساۋدا سالاسىنداعى ءوزارا تۇسىنىستىك پەن ىنتىماقتاستىق تۋرالى 2025 جىلعى ساۋىردە قول قويىلعان مەموراندۋم ەرەكشە اتاپ ءوتىلدى، بۇل ەكىجاقتى ستراتەگيالىق ارىپتەستىكتى نىعايتۋعا جاسالعان ماڭىزدى قادام بولدى.
