Ishki ister ministrliginiń málimetinshe, «Qarasora-2026» respýblikalyq jedel-profilaktikalyq is-sharasy aiasynda úsh ai ishinde 2 myńnan astam esirtkige qatysty quqyqbuzýshylyq anyqtalǵan. Nátijesinde tórt uiymdasqan qylmystyq toptyń qyzmeti toqtatylyp, zańsyz ainalymnan 21 tonna esirtki tárkilendi, dep habarlaidy dalanews.kz.
Operatsiia barysynda Shý alqabyna erekshe nazar aýdarylǵan. Aýmaǵy 60 myń gektardan asatyn bul óńir esirtki qylmysymen ainalysatyndardyń nazaryn jii aýdarady. Sonymen qatar ońtústik óńirlerdegi quramynda esirtki zattary bar ósimdikterdi ósirýge qolaily alqaptar da baqylaýǵa alynǵan.
Quqyq qorǵaý organdary qylmystardy anyqtaý jáne jolyn kesý úshin arnaiy kúshter men tehnikany jumyldyrǵan. Is-sharaǵa ushqyshsyz ushý apparattary, aviatsiia jáne ǵaryshtyq monitoring quraldary tartyldy.
Ministrlik deregine sáikes, quramynda esirtki bar ósimdikterdi zańsyz ósirýdiń 256 faktisi tirkelgen. Sondai-aq ondaǵan esirtki plantatsiiasy joiyldy.
Budan bólek, turǵyn úi massivterinde tyiym salynǵan ósimdikterdi jasandy jaǵdaida ósirýge arnalǵan 25 fitozerthana anyqtalyp, olardyń qyzmeti toqtatylǵan.
