Májiliste dárigerlerge kúsh qoldanǵandarǵa jazany qatańdatý týraly usynys qaralady, dep habarlaidy Dalanews.kz.
Bul týraly depýtat Ashat Aimaǵambetov habarlady.
"Búgin dárigerlerdi qorǵaýǵa arnalǵan mańyzdy zań jobasyn jumysqa qabyldadyq. Onda meditsina qyzmetkerlerine kúsh qoldanǵandarǵa jazany qatańdatý usynylǵan", - deidi depýtat.
Ol sońǵy jyldary mundai jaǵdailar jiilep ketkenin atap ótti.
"Biri jumys ornynda soqqyǵa jyǵyldy, endi biri, tipti jedel járdemge kelgen úide qorlyq kórdi. Prezident bul máseleni birneshe ret kóterip, jazda depýtattardyń usynystaryn qoldaitynyn aityp, Úkimetke naqty tapsyrma berdi. Dáriger qorǵansyz bolmaýy tiis!", - deidi depýtat.
Eske salaiyq, buǵan deiin Aqtóbede dárigerdi qatygezdikpen óltirgen meditsina qyzmetkeri 20 jylǵa sottalǵan bolatyn.
Sonymen qatar, Qostanaida oblystyq aýrýhanada dárigerdi soqqyǵa jyqqan 34 jastaǵy Abylaihan Sarinjepovke qatysty sot úkimi shyqty.
